ԱՄՆ Այովա նահանգը ճանաչեց Հայոց ցեղասպանությունը

ԵՐԵՎԱՆ, 24 օգոստոսի. /Նովոստի–Արմենիա/. Այովան դարձավ ԱՄՆ–ի 47–րդ նահանգը, որը ճանաչեց Հայոց ցեղասպանությունը։

Այովայի նահանգապետ Քիմ Ռեյնոլդսը ստորագրեց համապատասխան փաստաթուղթը։ Այսպիսով, 2017 թ.–ի հոկտեմբերը հայտարարվեց իրազեկվածության ամիս։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Չեխիայի խորհրդարանը, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը, Գերմանիայի Բունդեսթագը և Չեխիայի խորհրդարանը: -0-