Հայաստանում ավելի քան 300 մարդ համարվում է անհետ կորած 44-օրյա պատերազմից և հետագա սրացումներից հետո.

ԵՐԵՎԱՆ, 21 մարտի./Նովոստի-Արմենիա/. Հայաստանում անհայտ կորած է համարվում 309 մարդ 2020թ.-ի արցախյան պատերազմից և մասնավորապես՝ 2021-ին և 2022-ի սեպտեմբերին իրավիճակի սրացումներից հետո։ Այս մասին ասվում է Կարմիր խաչի միջազգային կոմիտեի զեկույցում։

44-օրյա պատերազմի մասին

2020 թվականի սեպտեմբերի 27-ից նոյեմբերի 9-ը Ադրբեջանի Զինված ուժերը Թուրքիայի և նրա կողմից հավաքագրված օտարերկրյա վարձկանների ու ահաբեկիչների մասնակցությամբ ագրեսիա են իրականացրել Արցախի դեմ առաջնագծում և թիկունքում՝ հրթիռահրետանային զենքերի, ծանր զրահատեխնիկայի, մարտական ինքնաթիռների և արգելված զինատեսակների (կասետային ռումբեր, ֆոսֆորային զենքկիրառմամբ: Ակտիվորեն օգտագործվել են նաև «Բայրաքթար» անօդաչու թռչող սարքեր, որոնք մեծ վնասներ են հասցրել։ Բացի այդ, հարվածներ են հասցվել Հայաստանի տարածքում գտնվող քաղաքացիական և ռազմական օբյեկտների ուղղությամբ։

2020 թվականի նոյեմբերի 9-ին Ռուսաստանի Դաշնության, Ադրբեջանի և Հայաստանի ղեկավարները հայտարարություն են ստորագրել Արցախում բոլոր ռազմական գործողությունները դադարեցնելու մասին, ըստ որի, մասնավորապես, Շուշի քաղաքը, Աղդամը, Քարվաճառը և Լաչինի շրջանները փոխանցվել են Ադրբեջանին, բացառությամբ Ղարաբաղը Հայաստանի հետ կապող 5 կիլոմետրանոց միջանցքի։ Ռուսական խաղաղապահ զորախումբը տեղակայված է Ղարաբաղի շփման գծի և Լաչինի միջանցքի երկայնքով։ 2021 թվականի հունվարի 11-ին Ռուսաստանի և Ադրբեջանի նախագահներ Վլադիմիր Պուտինը և Իլհամ Ալիևը և Հայաստանի վարչապետ Նիկոլ Փաշինյանը համատեղ հայտարարություն են ստորագրել՝ ուղղված տարածաշրջանի զարգացմանն ու հաղորդակցությունների ապաշրջափակմանը։

Վերջին տվյալներով՝ Արցախում 44-օրյա պատերազմի ընթացքում հայկական կողմից զոհվել է 3812 մարդ, 141 զինվորական և քաղաքացիական անձ վերադարձվել է ադրբեջանական գերությունից։-0-