Նախորդ շաբաթվա կարևոր նորությունների հնգյակը (նոյեմբերի 25–29)

ԵՐԵՎԱՆ, 30 նոյեմբերի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (նոյեմբերի 25–29)։

• Քրեական գործի շրջանակում որպես մեղադրյալ ներգրավված նախկին գլխավոր դատախազ, ԱԺ նախկին պատգամավոր Գևորգ Կոստանյանի նկատմամբ հետախուզում է հայտարարվել։

• ՀՀ նախագահ Արմեն Սարգսյանի հրամանագրով, նշանակվել են ՀՀ ոստիկանության պետի տեղակալներ։

• Ռուսաստանում պայթյունի հետևանքով մահացել է ոստիկանության Երևանի վարչության նախկին պետ Աշոտ Կարապետյանը։

• Այս տարի «Հայաստան» համահայկական հիմնադրամի 22–րդ հեռուստամարաթոնի արդյունքում հանգանակվել է 9.856.100 դոլար։

• ՀՀ վարչապետը ուղիղ եթերում մարտահրավեր է նետել լեգենդար System of a Down ռոք խմբի մենակատար Սերժ Թանկյանին, ամերիկահայ հեռուստաաստղ Քիմ Քարդաշյանին և Reddit սոցիալական ցանցի համահիմնադիր Ալեքսիս Օհանյանին։ Վարչապետը կոչ է արել հետևել իր օրինակին և «Հայաստան» համահայկական հիմնադրամի հաշվին ամեն ամիս փոխանցել 20–23 դոլարի չափով գումար, ինչը մոտավորապես կազմում է 10 հազար դրամ։ Սերժ Թանկյանն ու Ալեքսիս Օհանյանն ընդունել են մարտահրավերը։–0–