Նախորդ շաբաթվա կարևոր նորությունների հնգյակը (հունիսի 24–28)
29.06.2019,
10:30
Ներկայացնում ենք նախորդ շաբաթվա կարևոր նորությունների հնգյակը (հունիսի 24–28)։
ԵՐԵՎԱՆ, 29 հունիսի./Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը (հունիսի 24–28)։
- ՀՀ երկրորդ նախագահ Ռոբերտ Քոչարյանը կալանավորվել է։ Նման որոշում է հրապարակել ՀՀ վերաքննիչ քրեական դատարանի դատավոր Արմեն Դանիելյանը՝ բավարարելով դատախազության և տուժող կողմի ներկայացրած բողոքը:
- ՀՀ կառավարությունը հինգշաբթի նիստի ժամանակ ընդունեց պատգամավորների առաջարկը «Նվազագույն ամսական աշխատավարձի մասին» օրենքում փոփոխություններ կատարելու մասին, որով նախատեսվում է բարձրացնել նվազագույն աշխատավարձը։
- Հայաստանում 0-18 տարեկան երեխաների հիվանդանոցային բժշկական օգնությունն ու սպասարկումն ամբողջությամբ կիրականացվի պետպատվերի շրջանակում։ Այս մասին որոշումն ընդունվել է կառավարության հունիսի 27-ի նիստում:
- Հայաստանն ու Ադրբեջանը փոխանակվել են քաղաքացիներով։
- Մանվել Գրիգորյանի որդուն մեղադրանք է առաջադրվել խոշոր չափերի յուրացումներին առնչակից լինելու համար։–0–
Պատճենել հղումը
