ԵՐԵՎԱՆ, 21 փետրվարի./Նովոստի Արմենիա/. 2026 թ.-ի ավարտին պետք է ունենանք առնվազն 300 դպրոց՝ հիմնանորոգված, վերակառուցված, վերանորոգված, որոնք կունենան արդիական ենթակառուցվածքներ ու պայմաններ:
Այս մասին այսօր ասուլիսի ժամանակ հայտարարեց ԿԳՄՍ փոխնախարար Ժաննա Անդրեասյանը՝ նշելով, որ այդպես է նախատեսված կառավարության ծրագրով:
Անդրեասյանի խոսքով, նախատեսվում է, որ բոլոր դպրոցները կունենան բնագիտական և տեղեկատվական տեխնոլոգիաների անհրաժեշտ լաբորատորիաները:
Загружается новость ... "Лево"
«Բոլոր դպրոցները կունենան պատշաճ կահավորված և արդիական սարքավորումներով հագեցած, սանիտարահիգիենիկ, անվտանգային ստանդարտներին բավարարող և համընդհանուր մատչելի շենքեր, համալրված կլինեն որակավորված և սահմանված ստանդարտներին համապատասխան ատեստավորված մանկավարժներով, որոնք կստանան արժանապատիվ վարձատրություն»,- ասաց Անդրեասյանը՝ ներկայացնելով կրթության՝ մինչև 2030 թ.-ը զարգացման պետական ծրագիրը, որը ներկայացվել է հանրային քննարկման:
Փոխնախարարի խոսքով՝ հանրակրթության ոլորտում մի շարք կարևորագույն արդյունքեր կան, որոնց փորձելու են հասնել։
Ըստ զարգացման ծրագրի՝ պետք է փորձեն այնպես անել, որ ոչ մի երեխա դուրս չմնա պարտադիր կրթության համակարգից։
«Մեր հիմնական որակական ցուցանիշներից ես կարևորում եմ նաև այն, որ սահմանել ենք ուսումնառության տևողությունը, ըստ Համաշխարհային բանկի չափումների, որն այս պահին մեզ մոտ 8.3 տարի է, ռազմավարության ժամկետի ավարտին պետք է փորձենք հասցնել 11.5 տարվա, այսինքն՝ մեր երեխաները սովորում են 12 տարի, բայց ունեցած կրթական արդյունքըհավասար է 8.3 տարվա», - ասաց փոխնախարարը։
Անդրեասյանի խոսքով՝ 12 տարի սովորելու տևողությունը պետք է համարժեք լինի 11․5 տարվա։ Հենց այս ցուցանիշն է ընտրվել, քանի որ ավարտական քննությունները դպրոցականները հանձնում են 12-րդ դասարանի առաջին կիսամյակում ու ծրագիրը, ըստ էության, ամփոփում են արդեն հենց այդ ժամանակ։
Նա կարևորեց հայոց լեզվի և պատմության, հայ և համաշխարհային գրականության, հոգևոր-էթիկական արժեքների, առողջ ապրելակերպի, ինչպես նաև առնվազն երկու օտար լեզուների դասավանդման գործընթացում ուուցիչների բավարար գիտելիքներ ունենալը:-0-
