Երևանում, հնարավոր է, սահմանվի 15–ամյա ջերմաստիճանային ռեկորդ, սպավում է մինչև +39

ԵՐԵՎԱՆ, 16 հունիսի./Նովոստի–Արմենիա/. Առաջիկա 5 օրերին Արարատյան դաշտում և նրա նախալեռներում, Սյունիքի հովտային շրջաններում, Վայոց Ձորի նախալեռներում սպասվում է բարձր կարգի հրդեհավտանգ իրավիճակ։ Ուլտրամանուշակագույն ճառագայթման ինտենսիվությունը սպասվում է նորմայից բարձր, զգուշացնում է Հայպետհիդրոմետը:

Խորհուրդ է տրվում ժամը 11:00-ից մինչև 17:00-ն ընկած ժամանակահատվածում խուսափել արևի ուղիղ ճառագայթներից:

Հանրապետության տարածքում հունիսի 16-ի ցերեկը, 17-21-ը սպասվում է առանց տեղումների եղանակ։

Քամին՝ հարավ-արևմտյան՝ 5-10 մ/վ:

Օդի ջերմաստիճանը հունիսի 16-ի ցերեկը կբարձրանա 2-3 աստիճանով։

Մայրաքաղաք Երևանում այսօր ցերեկը, հունիսի 17-21-ը սպասվում է առանց տեղումների եղանակ, երեկոյան ժամերին՝ քամու ուժգնացում՝ 18-20 մ/վ արագությամբ։ Այսօր ցերեկային ժամերին մայրաքաղաքում կանխատեսվում է +37...+39, գիշերը` +21...+23։ Վաղը` հունիսի 17–ին, Երևանում, հնարավոր է, սահմանվի 15–ամյա ջերմաստիճանային ռեկորդ, մայրաքաղաքում ցերեկը սպասվում է +36...+38, գիշերը`+19...+21։ Նշենք, որ 2006թ.–ի հունիսի 17–ին մայրաքաղաքում գրանցվել է +35 աստիճան։–0–