VIVA հիմնադրամը հիմնադրվել է 2016թ․–ի ապրիլի 7–ին՝ ապրիլյան պատերազմի օրերին։ Հիմնադրամի աշխատանքի նպատակներից է հասանելի, որակյալ և համակարգային բժշկությունը։ Հայաստանի բժիշկներն ու կամավորները հիմնադրամի աշխատանքի հայեցակարգն են։ 500+ կամավոր բժիշկներ՝ ամբողջ աշխարհում, 60+ մշտական ծրագրեր։
Հիմնադրամն ունի գործունեության երեք առանցքային ուղղություն՝ բժշկական․ կրթական և սոցիալական ծրագրեր։
10+ մլն դոլարի նվիրատվություն՝ 7 տարվա աշխատանքի ընթացքում։
2023թ․–ի սեպտեմբերի 19–ից հիմնադրամը Գորիսում և Վայքում բժշկական և մարդասիրական օգնություն է ցուցաբերել 70+ հազար արցախցի տեղահանվածների։
2023թ․–ի նոյեմբերի 1–ից իրականացնում է 5 երկարաժամկետ բժշկական ծրագրեր արցախցի հայրենակիցների համար, արդեն մշակվել է ավելի քան 7000 հայտ։
Շնորհակալ ենք «Նովոստի–Արմենիա»–ին Հայաստանում բարեգործությանը տեղեկատվական աջակցություն, որակյալ կոնտենտ տրամադրելու և պրոֆեսիոնալիզմի համար։
Մաղթում ենք ավելի շատ բարի լուրեր, ինչպես նաև Հայաստանում կյանքի լուսաբանման դրական առիթներ։
Տատյանա Հովհաննիսյան
բժիշկ, VIVA հիմնադրամի համահիմնադիր և ղեկավար
ԻՆՉՊԵ՞Ս ՕԳՆԵԼ VIVA ՀԻՄՆԱԴՐԱՄԻՆ
Այս պահին հավաքված բոլոր միջոցներն ուղղվում են մարդասիրական և բժշկական օգնության ձեռք բերմանն արցախցի մեր հայրենակիցների համար։ Հիմնադրամն իրականացնում է նաև բժշկական և կրթական ծրագրեր, որոնց կարելի է ծանոթանալ կայքում։
«ԿՅԱՆՔԻ ՃԱՆԱՊԱՐՀ»/ʺДОРОГА ЖИЗНИʺ բարեգործական հիմնադրամը միակ հիմնադրամն է Հայաստանում, որը զբաղվում է էպիլեպսիա և այլ բարդ նյարդային հիվանդություններ ունեցող երեխաների առողջական խնդիրներով։
Հիմնադրամն օժանդակում է նրանց դեղորայքային բուժման, հետազոտությունների անցկացման (ՄՌՏ, ԷԷԳ, ՊԷՏ-ԿՏ, գենետիկ հետազոտություններ), վիրահատությունների իրականացման հարցում։
Հիմնադրամի առաքելությունն է յուրաքանչյուր երեխայի, ըստ անհրաժեշտության, ապահովել համապատասխան բժշկական հետազոտություններով և բուժմամբ։
Ցավոք սրտի, այս հիվանդությամբ տառապող երեխաների թիվը շատ մեծ է։ Այս պահին միայն «Արաբկիր» բժշկական համալիրում հաշվառված է շուրջ 4000 հիվանդ երեխա, որոնց մեծ մասն ապրում սոցիալական ծանր պայմաններում՝ ֆինանսական և բարոյական օգնությունից զուրկ։ Հետազոտություններն ու բուժումը բավականին թանկ արժեն, ինչը շատ ընտանիքների համար անհասանելի երազանք է։ 60-65% երեխաներ ապրում են իրենց մայրիկների հետ միասին, ովքեր միայնակ են զբաղվում երեխաների խնամքով և չեն աշխատում։
Հիմնադրամի շահառուներն են էպիլեպսիայով և այլ բարդ նյարդային հիվանդություններով հիվանդ երեխաները, ովքեր ուզում են ապրել, պայքարել, հաղթել հիվանդությանը և ժպտալ աշխարհին։ Նրանք պետք է ապրեն լիարժեք կյանքով, ինչպես իրենց հասակակիցները։ Էպիլեպսիան բուժվող հիվանդություն է, այդ թվում՝ արմատական, իսկ ժամանակակից դեղամիջոցների շնորհիվ այն հնարավոր է հսկողության տակ պահել։
Միանում եմ «Նովոստի–Արմենիա» գործակալության շնորհավորանքներին՝ բարօրության, խաղաղության, հաջողության, բարգավաճման ամենաանկեղծ մաղթանքներով։
Ծայրահեղ անկայունության պայմաններում շարունակեք զարգանալ և հավատարիմ մնալ սահմանված նշաձողին։
Ելենա Բաղդասարյան
«ԿՅԱՆՔԻ ՃԱՆԱՊԱՐՀ» հիմնադրամի հիմնադիր
ԻՆՉՊԵ՞Ս ՕԳՆԵԼ «ԿՅԱՆՔԻ ՃԱՆԱՊԱՐՀ» ՀԻՄՆԱԴՐԱՄԻՆ
Օգնության կարիք ունեցող երեխաների թիվը շատ մեծ է, իսկ մշտական հովանավորների թիվը՝ սահմանափակ, այդ պատճառով Հիմնադրամն ունի ֆինանսական և տեղեկատվական աջակցության կարիք, որը չափազանց կարևոր է էպիլեպսիա ունեցող հազարավոր երեխաների համար․
* Գրեք Հիմնադրամի էջին, ձեզ կտրամադրեն ռեկվիզիտներ օգնության համար։
© 2023 All rights reserved.