Ամանորյա ուղեցույց 2020
ոճային կերպար, ղափամա և առաքելություն «Ձմեռ Պապ»
Կա մի ժողովրդական ասացվածք. «Ինչպես դիմավորես Ամանորն, այնպես էլ կանցնի ողջ տարին»։ Որպեսզի Սպիտակ մետաղյա առնետի տարին երկար հիշվի, «Նովոստի–Արմենիա» գործակալությունը ներկայացնում է փորձագետների խորհուրդներն ու առաջարկները, որոնք հաստատ կօգնեն տոնը նորաձև, շքեղ և «համեղ» դիմավորելու համար։
Խորհրդավորությունը շարունակվում է...էլ ինչ տոն առանց զգեստի
Թերևս «Որտե՞ղ անցկացնել Ամանորը» հարցից ավելի բարդ կարող է լինել միայն «Ի՞նչ հագնել ամանորյա գիշերը»։ Խանութները լի են ցանկացած ոճի և ճաշակի երեկոյան զգեստներով ու աքսեսուարներով։ Սակայն ինչպե՞ս չխառնվել և ընտրել այն զգեստը, որը կսազի հենց ձեզ։
Հատուկ մեր ընթերցողների համար դիզայներ–մոդելավորող, «G–n RP Fashion» նորաձևության կենտրոնի հիմնադիր Արփինե Ղուկասյանը ներկայացրել է ամանորյա զգեստի ընտրության գաղտնիքները, ինչի շնորհիվ դուք իսկապես կփայլեք և կպահպանեք ձեր անհատականությունը, ինչպես նաև ձեզ կպարուրեն հաջողությունն ու բարեկեցությունը Սպիտակ մետաղյա առնետի տարում։ Դիզայներ–մոդելավորողը խորհուրդ է տալիս ընտրել զգեստ, որը համապատասխանում է առնետի բնավորությանը։
Առնետները հասարակ են, ընկերասեր (որքան էլ դա ծիծաղելի է), հանգիստ։ Այդ պատճառով Ամանորն ավելի լավ է դիմավորել լակոնիկ կերպարով։ Դա կարող է լինել պարզ ձևվածքով կիսաշրջազգեստ։ Կարևոր է, որպեսզի սիլուետը չլինի անհամաչափ և ծանրաբեռնված դետալներով։
Առաքելություն «Ձմեռ Պապ»
Սկսենք Ամանորի ավանդական նվերներից՝ զարդերից։ Կանայք միշտ սիրել են և կսիրեն ոսկուց և թանկարժեք քարերից զարդեր, իսկ տղամարդիկ` ժամացույց և ճարմանդներ։ Բայց մի գուցե այս տարի արժե շեղվել ավանդույթից և ինչ-որ ավելի մինիմալիստական ու հասարակ տարբերակ ընտրել։ Կարելի է նաև հումորային ու անսովոր նվերներ անել։
Յոգայի գորգ
Առողջության մասին հոգալով՝ ամեն տարի ավելի ու ավելի շատ մարդիկ են սկսում զբաղվել սպորտով, բուժական մարմնամարզությամբ կամ յոգայով։ Պարզապես պատկերացրեք, թե ինչպես եք զմայլվում հիանալի լուսաբացով՝ ձեր տան տանիքին լոտոսի դիրքում նստած։ Եվ այդ ամենը յոգայի՝ սիրով նվիրված գորգի վրա։
Ֆիթնես tracker
Մարզասրահ այցելելը ձեզ համար սովորական բան է։ Ձեր ողջ ազատ ժամանակը փորձում եք այնպես դասավորել, որ ոչ մի պարապմունք բաց չթողնեք։ Ձեզ համար շատ կաևոր է հետևել ձեր оրգանիզմի տարբեր ցուցանիշներին՝ զարկերակ, քնի ռիթմ, կալորիաների քանակ և այլն։ Այս բոլոր հարցերում լավագույն օգնականն ու ընկերը ֆիթնես tracker-ն է։ Միայն չմոռանաք այն լիցքավորել։
Զարթուցիչ
Ձեր ընկերը ճշտապահ չէ՞։ Դուք հոգնե՞լ եք միշտ նրան սպասելուց։ Նրա ուշացումների պատճառով խափանվում են հանդիպումներն ու երեկույթնե՞րը։ Նվիրեք նրան հիշեցումով զարթուցիչ և ազատվեք խնդիրներից։
Ակնթարթային տպիչով տեսախցիկ
Պոչիկը վերև՛, թաթիկները լայն բացած։ Հիանալի՜ է։ Հիմա հետ ենք նայում և ժպտում։ Վերցնում ենք շամպայնի գավաթը և բղավում. «Շնորհավո՜ր Նոր Տարի»։ Չխկ, և պատրաստ է։ Ակնթարթային տպիչով տեսախցիկն անմոռանալի կդարձնի ցանկացած տոնական պահ ձեզ և ձեր չորքոտանի ընկերոջ համար։
Փափուկ հողաթափեր
Չե՞ք կարողանում քնել։ Անկողնում անընդհատ կողքից կողք եք շրջվում և չե՞ք հասկանում՝ ինչ է կատարվում։ Այնպիսի տպավորություն է, թե սենյակում ինչ-որ մեկը կա։ Ո՛չ, չի՛ կարող պատահել։ Բայց, ամեն դեպքում, պետք է ստուգել։ Մահճակալի տակ նայեք։ «Աաա՜... ԱՉՔԵ՜Ր»։ Մի՛ վախեցեք, դրանք ընդամենը փափուկ կենդանու տեսքով հողաթափեր են, որ ձեր ընկերները գնել են ձեզ՝ որպես ամանորյա նվեր և դրել մահճակալի տակ։
© 2005-2019 ԱՄԻ «Նովոստի–Արմենիա»։ Բոլոր իրավունքները պաշտպանված են։