ԵՐԵՎԱՆ, 23 հունիսի. /Նովոստի–Արմենիա/. Տոկիոյում ավարտվել է ծանրամարտի աշխարհի երիտասարդական առաջնությունը։
Օլիմպիական խաղերի արծաթե մեդալակիր, ծանրորդ Սիմոն Մարտիրոսյանը հաղթանակ է տարել առաջնությունում` դառնալով աշխարհի երիտասարդական առաջնության չեմպիոն։
Հայաստանի ազգային օլիմպիական կոմիտեի մամուլի հաղորդագրության համաձայն, +105 կգ քաշային կարգում Մարտիրոսյանը երկամարտում գրանցել է 426 կգ արդյունք։
Загружается новость ...
"Право"
Հայ ծանրորդը երկու վարժությունում էլ ուժեղագույնն է եղել։ Պոկումում նա բարձրացրել է 191 կգ, իսկ հրումում՝ 235 կգ։
Հրում վարժությունում Սիմոն Մարտիրոսյանը վերջին մոտեցումով ռեկորդի է հավակնել, սակայն նրան մի փոքր չի բավականացրել 246 կգ-ը գլխավերևում պահելու համար։
Այսպիսով, Տոկիոյում ավարտվել է աշխարհի երիտասարդական առաջնությունը։ Հայ ծանրորդները նվաճել են մեկ ոսկե և երկու բրոնզե մեդալներ։ Երրորդ մրցանակակիր են դարձել Սոնա Պողոսյանը (75 կգ) և Սամվել Գասպարյանը (105 կգ)։-0-