ԵՐԵՎԱՆ, 24 մայիսի. /Նովոստի–Արմենիա/. Եվրոպա լիգայի եզրափակիչ խաղի բեկումնային պահը կլինի Հենրիխ Մխիթարյանի բացակայությունը, քանի որ քաղաքական համատեքստը պետք է դառնա բեկումնային պահ։ Այս մասին գրում է
The Independent-ը` անդրադառնալով Բաքվում կայանալիք «Արսենալ» – «Չելսի» խաղին և Հենրիխ Մխիթարյանի` ֆուտբոլային կարևոր հանդիպմանը չմասնակցելու շուրջ ստեղծված իրավիճակին։
Ինչպես գրում է պարբերականը, սա աշխարհագրապես հեռու, ոչ բավարար հագեցած և քաղաքականապես կասկածելի երկրում Եվրոպա լիգայի եզրափակիչ անցկացնելու հետ կապված խնդիրների բարձրակետն է։
«Բաքուն գործնականորեն հարմար չէ ոչ մի իմաստով։ Այն պետք է զրկվի Եվրոպա լիգայի 2019–ի եզրափակչի անցկացումից, թեև, կարծես, արդեն շատ ուշ է դրա համար»,– գրում է աղբյուրը։
Մխիթարյանն իր որոշումը հայտնել է երեքշաբթի ցերեկը` հղում անելով Հայաստանի և Ադրբեջանի միջև Լեռնային Ղարաբաղի շարունակվող հակամարտությանը։
Նա ասել է, որ «դժվար որոշում» է կայացրել` բոլոր «ընթացիկ տարբերակները դիտարկելուց հետո»:
Загружается новость ...
"Право"
Պարբերականը նշում է, որ արդար կարծիք կա, որ «Արսենալը» պետք է հրաժարվի խաղից` հաշվի առնելով առկա հզոր բարոյական փաստարկը։ Հանդիպման վայրը թուլացրել է թիմը` զրկելով առանցքային խաղացողներից մեկի մասնակցությունից, առավել ևս, որ «խաղ է, որն այդքան էլ հաճախ չի լինում... դա ցավալի է»։
Այս համատեքստում ակումբի վրա ընկած բեռը շատ մեծ է, մինչդեռ այդ բեռը պետք է ընկնի ՈՒԵՖԱ–ի վրա։ Նշվում է, որ, կարծես, ղեկավար մարմինն ընդհանրապես այլ տարբերակներ չի դիտարկել։
Ցավալի է, որ եզրափակչի համար ընտրված վայրն արդեն նշանակում էր, որ բազմաթիվ երկրպագուներ չէին կարողանա մեկնել այդ նշանակալի միջոցառմանը։ «Խայտառակություն է, որ մարզիկը չի կարող մեկնել»,– գրում է The Independent–ը։
Загружается новость ... "Лево"
Այս ամենը պետք է ահազանգ լինի, որ ՈՒԵՖԱ–ն մանրամասն դիտարկի նմանատիպ միջոցառումների անցկացման վայրն ընտրելու չափանիշները։
«Այժմ սա պետք է ինքնավերլուծության տեղ տա։ Բաքուն պետք է զրկվի այդ եզրափակիչն անցկացնելու իրավունքից։ Այժմ նա միանշանակ պետք է զրկվի 2020 թվականի խաղերից»,– եզրափակում են հոդվածի հեղինակները։ -0-
