478.83
-0.02
557.93
-0.17
7.98
-0.01
+23
Եղանակը Երևանում
Հայ
Հայ հարկադիր կատարողները մեդալներով և պատվոգրերով են վերադառնում
20:31
09 Հոկտեմբերի 2015

ԵՐԵՎԱՆ, 9 հոկտեմբերի. /Նովոստի–Արմենիա/. Հայաստանի դատական ակտերի հարկադիր կատարման ծառայության աշխատակիցները մեդալներով, գավաթներով և պատվոգրերով են վերադառնում ուրբաթ Մոսկվայում ավարտված ՀԱՊԿ անդամ-պետությունների ուժային կառույցների ներկայացուցիչների 13-րդ միջազգային մրցաշարից, հաղորդում է գերատեսչության մամուլի ծառայությունը։

Ծառայության ներկայացուցիչները մասնակցել են մրցաշարին ՀԱՊԿ գլխավոր քարտուղար Նիկոլայ Բորդյուժայի հրավերով։

Մրցաշարի արդյունքում Հայաստանի դատական ակտերի հարկադիր կատարման ծառայությունը բրոնզե գավաթ է ստացել։ Ծառայության աշխատակիցներ Սանասար Յարալյանն ու Սարգիս Կաչանյանն արժանացել են բրոնզե մեդալների, ինչպես նաև պարգևատրվել են «Լավագույն տեխնիկայի» և «Կամային հաղթանակի համար» պատվոգրերով, իսկ Արտակ Մարտիրոսյանը` «Համագործակցության համար» պատվոգրով։ Թիմային հաշվարկով նրանք զբաղեցրել են 3–րդ տեղը։

ՀԱՊԿ անդամ-պետությունների ուժային կառույցների ներկայացուցիչների 13-րդ միջազգային մրցաշարի եզրափակիչ մենամարտերն անցկացվել են հոկտեմբերի 9–ին Մոսկվայում։

Մրցաշարը կազմակերպվել է 1939–1945թթ.–ին Երկրորդ աշխարհամարտում և 1941–1945թթ.–ին Հայրենական մեծ պատերազմում տարած հաղթանակի 70–րդ հոբելյանի տարում` ««Հաղթանակի ժառանգներ» միջազգային միություն» պատմամշակութային ժառանգության պահպանման կազմակերպությունների և քաղաքացիների միության ակտիվ աջակցությամբ։

ՀԱՊԿ անդամ-պետությունների ուժային կառույցների ներկայացուցիչների միջազգային մրցաշարն անցկացվում է ամեն տարի։ ՀԱՊԿ անդամ-պետությունների ուժային կառույցների ներկայացուցիչների 13-րդ միջազգային մրցաշարին մասնակցել է ավելի քան 200 մարզիկ ՀԱՊԿ անդամ–պետություններից` Հայաստանից, Ղազախստանից, Ղրղըզստանից, Ռուսաստանից (ՌԴ պաշտպանության նախարարության, ՆԳՆ Ներքին զորքերի, Թմրամիջոցների շրջանառության վերահսկողության դաշնային ծառայության, Դատական կատարածուների դաշնային ծառայության,  Պատժի կիրառման դաշնային ծառայության թիմերը), ինչպես նաև Վիետնամից, Թունիսից, Սերբիայից, Աբխազիայից, Հարավային Օսեթիայից, Դոնեցկից և Լուգանսկից։

ՀԱՊԿ գլխավոր քարտուղար Նիկոլայ Բորդյուժան հաղթող թիմերին է հանձնել ՀԱՊԿ–ի գավաթը։

ՀԱՊԿ–ի հավաքական ուժերում ներառվող զորքերի և ուժային կառույցների հատուկ ստորաբաժանումների պատրաստվածությունը մեծ նշանակություն ունի նրանց անվտանգության բարձրացման համար, այն ամրապնդում է ՀԱՊԿ անդամ պետությունների ուժային կառույցների միջև հաստատված փոխգործակցությունը։

Համալիր մենամարտը ծառայողական–կիրառական մարզաձև է` հատուկ նշանակության ջոկատի և ուժային ու իրավապահ կառույցների աշխատակիցներին պատրաստելու համար։ Ուժային և իրավապահ կառույցների համար համալիր մենամարտն իր առանձնահատկության շնորհիվ բազային մարզաձև է։ Այն դասավանդում են Ռուսաստանի առաջատար սպորտային բուհում, որտեղ 2008 թ.–ից գործում է Համալիր մենամարտի ամբիոնը։

Ուժային կառույցների աշխատակիցներին պատրաստելիս կարևորագույն հմտություններից է մարդու կյանքի պահպանման հմտությունը։ Ի տարբերություն շատ այլ մարտական մարզաձևերի, համալիր մենամարտի տեխնիկան ուղղված է ոչ պատրաստված զանգվածի, մասնավորապես` ամբոխի հետ փոխգործակցությանը։

Ուժային մարզաձևերի և տեխնիկայի բազմաթիվ մասնագետներ, որոնք այդ թվում ներկայացնում են ՆԱՏՕ–ի անդամ երկրները, առանձնացրել են հոգեբանական կայունությունը, իրավիճակը կանխելու և զսպելու կարողությունը, նվազագույն վնասվածքներն ու շատ այլ առավելություններ, որոնք նկատվում են համալիր մենամարտի տեխնիկաները կիրառելիս։ Մասնավորապես, Ռուսաստանում անցկացվող Համալիր մենամարտի որակավորման մրցաշարերին մշտապես մասնակցում են Դատական կատարածուների դաշնային ծառայության, Պատժի կիրառման դաշնային ծառայության, ՆԳՆ–ի, Պաշտպանության նախարարության աշխատակիցները։ Թմրանյութերի շրջանառության վերահսկողության դաշնային ծառայությունը որոշել է 2014 թ.–ից կազմակերպել համալիր մենամարտի ներքին առաջնություններ։

Մարտական և հարվածային տեխնիկայի համադրությունը թույլ է տալիս ապահովել կայունության ապահովման որակյալ արդյունքներ, ապահովում է քաղաքացիական բնակչության անվտանգությունը, հասարակական կարգը։

Համալիր մենամարտը զինծառայողների, իրավապահ մարմինների աշխատակիցների պատրաստվածության բարձրացման առավել արդյունավետ միջոցն է ծայրահեղ պայմաններում, այն ուղղված է մարտական պայմաններում հատուկ նշանակության ջոկատայինների շրջանում կորուստների նվազմանը և, հնարավորության դեպքում ֆիզիկական հմտությունների կատարելագործման և որակյալ հոգեբանական պատրաստվածության շնորհիվ,  նման կորուստներ թույլ չտալուն։ Բացի այդ, իրավապահ մարմինների աշխատակցի մասնագիտության հեղինակությունը, սպաների ծառայողական հաջողությունները հիմնականում սահմանվում են ֆիզիկական վիճակի նկատմամբ նրանց վերաբերմունքով, որի գնահատման լավագույն չափորոշիչը հենց համալիր մենամարտն է։

Համալիր մենամարտի առանձնահատկությունն այն է, որ աշխատանքն իրականացվում է ՀԱՊԿ անդամ պետությունների բոլոր ուժային կառույցների հետ։ Համալիր մենամարտի մրցաշարի մասնակիցները ներկայացնում են պաշտոնապես գործող ուժային կառույցներ, պետական գերատեսչություններ։ Այս ամենն ենթադրում է որոշակի պատասխանատվություն յուրաքանչյուր մարզիկի պատրաստվածության հարցում։ –0–

Loading...
Թեմատիկ նյութեր
Բաժնի այլ նյութեր
19:46
25 Հուլիսի 2017
Հայաստանի երեք գրոսմայստերներ կմասնակցեն Աշխարհի գավաթին
ՖԻԴԵ-ն հրապարակել է շախմատի աշխարհի գավաթի խաղարկության 128 մասնակցիների ցանկը:
13:14
24 Հուլիսի 2017
Հայտնի է, թե որ ակումբ կտեղափոխվի Վահան Բիչախչյանը
«Շիրակում» հանդես եկող կիսապաշտպան Վահան Բիչախչյանը, որով հետաքրքրվել են ԲԿՄԱ–ն և «Զենիթը», կտեղափոխվի «Ժիլինա»։
17:10
23 Հուլիսի 2017
Հայ ձյուդոիստը` Սուրդլիմպիկ խաղերի արծաթե մեդալակիր
Թուրքիայի Սամսուն քաղաքում ընթանում են 23-րդ ամառային Սուրդլիմպիկ խաղերը
14:56
21 Հուլիսի 2017
Հայաստանի բասկետբոլի երիտասարդական հավաքականը հաղթել է ադրբեջանական թիմին
Հայաստանի բասկետբոլի երիտասարդական հավաքականը կամային հաղթանակ է տարել ադրբեջանական հավաքականի նկատմամբ:
13:32
21 Հուլիսի 2017
Մխիթարյանը` «ՄՅու»– «Մանչեսթեր Սիթի» խաղի գոլային փոխանցման հեղինակ (ՎԻԴԵՈ)
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը դարձել է «Մանչեսթեր Յունայթեդ»– «Մանչեսթեր Սիթի» խաղի գոլային փոխանցման հեղինակ։
18:28
20 Հուլիսի 2017
Խառը մարտերի հայազգի մարտիկը հաղթել է թուրք մրցակցին (ՎԻԴԵՈ)
Խառը մարտերի հայազգի մարտիկ Սարգիս Վարդանյանն Անթալիայում հաղթել է թուրք մրցակից Կարիմ Կելեշինին։  
18:17
18 Հուլիսի 2017
Վարշամ Բորանյանը բրոնզե մեդալ է նվաճել միջազգային մրցաշարում
Հունահռոմեական ոճի ըմբշամարտի Հայաստանի հավաքականի անդամ Վարշամ Բորանյանն Իսպանիայում մասնակցել է միջազգային մրցաշարի:
12:07
18 Հուլիսի 2017
Մխիթարյան vs Մովսիսյան. «կարմիր սատանաները» հաղթեցին
«Մանչեսթեր Յունայթեդը» հաղթանակ է տարել «Ռեալ Սոլթ Լեյքի» նկատմամբ:
15:03
16 Հուլիսի 2017
«Մանչեսթեր Յունայթեդը» ջախջախել է «Լոս-Անջելես Գելեքսիին». Հենրիխ Մխիթարյանը` գոլի հեղինակ (ՎԻԴԵՈ)
«Մանչեսթեր Յունայթեդը» առաջին ստուգողական հանդիպման շրջանակում 5:2 հաշվով հաղթել է «Լոս-Անջելես Գելեքսիին»:
12:30
16 Հուլիսի 2017
Արթուր Աբրահամը պարտվեց Քրիս Յուբենքին
Լոնդոնում կայացավ  Արթուր Աբրահամի և բրիտանացի Քրիս Յուբենք կրտսերի մենամարտը։
12:23
13 Հուլիսի 2017
Հայտնի են 2024 և 2028 թթ. ամառային օլիմպիական խաղերի քաղաքները
Առաջիկա ամառային օլիմպիական խաղերը 2020 թվականին կկայանան Տոկիոյում:
17:30
12 Հուլիսի 2017
Վահան Բիչախչյանը ներառվել է ամենահեռանկարային երիտասարդ ֆուտբոլիստների վարկանիշում (ՎԻԴԵՈ)
18–ամյա Վահան Բիչախչյանը համապատասխանում է բոլոր պարամետրերին, որպեզի հանդես գա եվրոպական ակումբներում։