478.82
+0.2
557.59
+7.08
8.14
+0.04
+26
Եղանակը Երևանում
Հայ
Բուբնովը պատմել է, թե ինչպես է բանտից փրկել Խորեն Հովհաննիսյանին
13:01
24 Հուլիսի 2015

ԵՐԵՎԱՆ, հուլիսի 24. /Նովոստի–Արմենիա/. Անվանի խորհրդային ֆուտբոլիստ Ալեքսանդր Բուբնովը պատմել է sports.ru–ին, թե ինչպես 1974թ.–ին բանտից փրկել է լեգենդար հայ կիսապաշտպան Խորեն Հովհաննիսյանին։

Արտակարգ պատահարը տեղի է ունեցել Տաշքենդում միջազգային երիտասարդական մրցաշարի ժամանակ։

«Եթե ես չհայտնվեի ճիշտ տեղում ճիշտ ժամանակին, խորհրդային և հայ ֆուտբոլը կկորցներ Խորեն Հովհաննիսյանին։ Մրցաշարը տեղի է ունեցել Տաշքենդում։ Մենք այդ ժամանակ բնակվում էինք «Պախտակորի» ժամանակավոր բազայում։ Հավաքականին հատկացրել էին մի քանի քոթեջներ, ճաշարան և բիլյարդի սենյակ։ Ես քնած էի իմ համարում, պետք է կայանար ԳԴՀ–ի հետ հանդիպումը։ Եվ հանկարծ իմ սենյակ են մտնում երկու տղաներ. «Բուբա, գնա, այնտեղ ինչ–որ լուրջ բան է կատարվում»,– ասել է Բուբնովը։

«Ճանապարհին իմացա, որ բիլյարդի սենյակում վիճաբանության մեջ են մտել Վալերի Շավեյկոն և Խորեն Հովհաննիսյանը։ Առաջինը ոչ ոքից չէր վախենում։ Դաշտում ոչ իրեն, ոչ մյուսներին չէր խնայում։ Ի՞նչը կարող էր խոցել հային։ Հարավում, ինչպես հայտնի է, շատ բաներ չեն ներում։ Հատկապես եթե դու խոսում ես ծնողների մասին։ Շավեյկոն, հավանաբար, ինչ–որ բան էր դուրս տվել»,– հավելել է նա։

Բուբնովի խոսքով` հանդիպումը նշանակել էին հարևան քոթեջում։ «Երբ ես մտա, Վալերան արդեն այնտեղ էր։ Հավաքելով բոլոր հարավցիներին` Հովհաննիսյանը հայտնվեց մեկ րոպե անց։ Նկատեցի, որ Խորիկը թևքի մեջ դանակ է թաքցրել և սպասում է»,– պատմել է ֆուտբոլիստը։

Նրա խոսքով` նա իսկապես անհանգստանում էր Շավեյկոյի համար. նրան հետո էլ կարող էին վնասել։ «Եվ Խորիկի մասին էի մտածում։ Չէ՞ որ եթե դանակահարեր, բանտ էր ընկնելու։ Գնացի Եվգենի Լյադինի մոտ` գլխավոր մարզչի, և ամեն ինչ պատմեցի։ Նա իսկույն ժողով գումարեց և Խորիկին հեռացրեց»,– ասել է Բուբնովը։

Նա հավելել է, որ Հովհաննիսյանը նեղացել է, բայց, չնայած ոչ մի բանի, հարգել է։ «Թեև այդ արարքը կարող էին գնահատել որպես դավաճանություն, բայց ես ինքնահոսի չթողեցի գործը և կարծում եմ, որ ճիշտ եմ վարվել։ Քանի որ Խորիկը, իսկ ավելի ուշ Գազաևը, անդունդի եզրով էին գնում»,– կարծում է Բուբնովը։

«Հովհաննիսյանը դարձել է ականավոր ֆուտբոլիստ։ Նրան կարելի է համեմատել Գավրիլովի և Չերենկովի հետ։ Նա արտագնա խաղերում գրավել է արգենտինացիների դարպասը, որոնց թիմում աշխարհի 9 առաջնություններում խաղացել են Դիասը և Մարադոնան։ Նաև Հովհաննիսյանի շնորհիվ հավաքականը շահել է 1980թ. օլիմպիադայի բրոնզ»,– հավելել է նա։

Խորեն Հովհաննիսյանը ԽՍՀՄ առաջնության բարձրագույն խմբում հանդես է եկել Երևանի «Արարատի» (1975-85) և Տաշքենդի «Պախտակորի» (1991) թիմերում։ «Արարատի» կազմում անցկացրել է 295 խաղ, խփել 93 գոլ։ Ընդհանուր առմամբ խփել է 113 գոլ։

Օլիմպիական խաղերի բրոնզե մեդալակիր (1980), Եվրոպայի երիտասարդական առաջնության հաղթող (1976), ԽՍՀՄ 1976թ. գարնանային առաջնության արծաթե մեդալակիր։ 1979-84-ին հանդես է եկել ԽՍՀՄ գլխավոր հավաքականում (37 խաղ, 8 գոլ)։ Հայաստանի ֆուտբոլիստներից առաջինն է մասնակցել աշխարհի առաջնության եզրափակիչ փուլի (1982) և խփել 1 գոլ։ Հանդես է եկել նաև ԽՍՀՄ պատանեկան հավաքականում։ 2010թ. մայիսի 24-ին ՀՀ Նախագահի հրամանագրով պարգևատրվել է Մովսես Խորենացու մեդալով:


 

Loading...
Թեմատիկ նյութեր
Բաժնի այլ նյութեր
14:56
21 Հուլիսի 2017
Հայաստանի բասկետբոլի երիտասարդական հավաքականը հաղթել է ադրբեջանական թիմին
Հայաստանի բասկետբոլի երիտասարդական հավաքականը կամային հաղթանակ է տարել ադրբեջանական հավաքականի նկատմամբ:
13:32
21 Հուլիսի 2017
Մխիթարյանը` «ՄՅու»– «Մանչեսթեր Սիթի» խաղի գոլային փոխանցման հեղինակ (ՎԻԴԵՈ)
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը դարձել է «Մանչեսթեր Յունայթեդ»– «Մանչեսթեր Սիթի» խաղի գոլային փոխանցման հեղինակ։
18:28
20 Հուլիսի 2017
Խառը մարտերի հայազգի մարտիկը հաղթել է թուրք մրցակցին (ՎԻԴԵՈ)
Խառը մարտերի հայազգի մարտիկ Սարգիս Վարդանյանն Անթալիայում հաղթել է թուրք մրցակից Կարիմ Կելեշինին։  
18:17
18 Հուլիսի 2017
Վարշամ Բորանյանը բրոնզե մեդալ է նվաճել միջազգային մրցաշարում
Հունահռոմեական ոճի ըմբշամարտի Հայաստանի հավաքականի անդամ Վարշամ Բորանյանն Իսպանիայում մասնակցել է միջազգային մրցաշարի:
12:07
18 Հուլիսի 2017
Մխիթարյան vs Մովսիսյան. «կարմիր սատանաները» հաղթեցին
«Մանչեսթեր Յունայթեդը» հաղթանակ է տարել «Ռեալ Սոլթ Լեյքի» նկատմամբ:
15:03
16 Հուլիսի 2017
«Մանչեսթեր Յունայթեդը» ջախջախել է «Լոս-Անջելես Գելեքսիին». Հենրիխ Մխիթարյանը` գոլի հեղինակ (ՎԻԴԵՈ)
«Մանչեսթեր Յունայթեդը» առաջին ստուգողական հանդիպման շրջանակում 5:2 հաշվով հաղթել է «Լոս-Անջելես Գելեքսիին»:
12:30
16 Հուլիսի 2017
Արթուր Աբրահամը պարտվեց Քրիս Յուբենքին
Լոնդոնում կայացավ  Արթուր Աբրահամի և բրիտանացի Քրիս Յուբենք կրտսերի մենամարտը։
12:23
13 Հուլիսի 2017
Հայտնի են 2024 և 2028 թթ. ամառային օլիմպիական խաղերի քաղաքները
Առաջիկա ամառային օլիմպիական խաղերը 2020 թվականին կկայանան Տոկիոյում:
17:30
12 Հուլիսի 2017
Վահան Բիչախչյանը ներառվել է ամենահեռանկարային երիտասարդ ֆուտբոլիստների վարկանիշում (ՎԻԴԵՈ)
18–ամյա Վահան Բիչախչյանը համապատասխանում է բոլոր պարամետրերին, որպեզի հանդես գա եվրոպական ակումբներում։
15:15
12 Հուլիսի 2017
Աշխարհի նախկին չեմպիոն Արթուր Աբրահամը պատրաստվում է վճռորոշ մենամարտի (ՎԻԴԵՈ)
Արթուր Աբրահամը Facebook–ի իր էջում տեսանյութ է հրապարակել, թե ինչպես է պատրաստվում Քրիս Յուբենկ կրտսերի հետ մենամարտի։
20:30
11 Հուլիսի 2017
«Մանչեսթեր Յունայթեդը» թարմացնում է կազմը (ՖՈՏՈ)
«Մանչեսթեր Յունայթեդի» կազմում փոփոխություններ են սպասվում։
14:51
10 Հուլիսի 2017
Եվրոպական ակումբները պայքարում են նոր Հենրիխ Մխիթարյանի համար
Շիրակի» երիտասարդ ֆուտբոլիստ Վահան Բիչախչյանը գրավել է եվրոպական ակումբների սկաուտների ուշադրությունը։