480.45
+0.06
537.05
+0.45
8.13
+0.06
+28
Եղանակը Երևանում
Հայ
Երևանի քաղաքապետարանի թիմը 3:0 հաշվով հաղթել է Գերմանիայի քաղաքների քաղաքապետերի ֆուտբոլի հավաքական թիմին
17:15
20 Հունիսի 2015

ԵՐԵՎԱՆ, 20 հունիսի./Նովոստի-Արմենիա/. Երևանի քաղաքապետարանի թիմը 3:0 հաշվով հաղթել է Գերմանիայի քաղաքների քաղաքապետերի ֆուտբոլի հավաքական թիմին ընկերական հանդիպման ժամանակ, որը տեղի է ունեցել նախօրեին մայրաքաղաքի Վազգեն Սարգսյանի անվան մարզադաշտում, հաղորդում է քաղաքապետարանի մամուլի ծառայությունը:

12 քաղաքների ղեկավարները հայկական մայրաքաղաք են ժամանել Հեսենում Հայաստանի պատվավոր հյուպատոս Բրայան Սթիվեն Ֆերային նախաձեռնությամբ։

«Երկու թիմերն էլ ցուցադրել են գեղեցիկ ֆուտբոլ, սակայն դիտարժանությամբ ավելի աչքի է ընկել մեր մայրաքաղաքի հավաքական թիմի խաղը, որն էլ հաղթել է 3:0 հաշվով»,- նշված է հաղորդագրության մեջ:

Հանդիպման ավարտից հետո երկու թիմերի ֆուտբոլիստների հետ զրուցել է Երևանի քաղաքապետ Տարոն Մարգարյանը: Հանդիպմանը ներկա է գտնվել նաև ՀՀ-ում ԳԴՀ արտակարգ և լիազոր դեսպան Ռայներ Մորելը:

Ողջունելով հյուրերին` քաղաքապետ Տարոն Մարգարյանը, նախ համառոտ ներկայացնելով Երևանի կառավարման համակարգն ու առաջնահերթությունները, նշել է, որ այսօր Երևանի զարգացման ծրագրերով հստակ քայլեր են ձեռնարկվում քաղաքային կառավարման տարբեր ոլորտներում զարգացումներ ապահովելու ուղղությամբ: Անդրադառնալով միջազգային համագործակցությանը` քաղաքապետn առանձնացրել է նաև այն ոլորտները, որոնց շրջանակում Երևանի քաղաքապետարանն այսօր արդյունավետ փոխգործակցություն է իրականացնում գործընկեր քաղաքների հետ:

«Մայրաքաղաքի արդյունավետ կառավարման հարցում մենք կարևորում ենք նաև միջազգային փորձի փոխանակումը: Այս տեսանկյունից, անշուշտ, շատ կարևոր է նաև գործընկեր քաղաքների հետ արդյունավետ փոխգործակցության խթանումը: Երևանը տարեցտարի ընդլայնում է գործակցության շրջանակներն ու այսօր համագործակցում է աշխարհի շուրջ 50 քաղաքների հետ: Ըստ այդմ, համոզված եմ, որ առաջիկայում արդյունավետ գործակցություն կհաստատենք նաև գերմանական քաղաքների հետ և այս հարցում, անշուշտ, մեծ է Հայաստանի Հանրապետությունում Գերմանիայի, ինչպես նաև Գերմանիայի Դաշնային Հանրապետությունում Հայաստանի Հանրապետության դեսպանությունների դերը», - ընդգծել է Տարոն Մարգարյանը: 

Իր և Գերմանիայի քաղաքների քաղաքապետերի պատվիրակության անդամների անունից շնորհակալություն հայտնելով ջերմ ընդունելության համար` հանդիպմանը ներկա ՀՀ-ում Գերմանիայի Դաշնային Հանրապետության արտակարգ և լիազոր դեսպան Ռայներ Մորելը ողջունել է գերմանական քաղաքների հետ գործընկերային սերտ կապեր հաստատելու Երևանի քաղաքապետի պատրաստակամությունը և իր հերթին վստահեցրել է, որ իր լիազորությունների շրջանակում կնպաստի հնարավորին կարճ ժամանակում այդ հարաբերությունները ձևավորելուն և զարգացնելուն:

Գերմանիայի Աբշտայնախ քաղաքի քաղաքապետ, Գերմանիայի քաղաքապետերից կազմված ֆուտբոլային թիմի ղեկավար Ռոլֆ Ռեյնարդն իր հերթին նկատել է, որ, ընդունելով իրենց առաջարկը, Երևանն, ըստ էության, բարեկամական ձեռք է մեկնել գերմանական քաղաքներին:

«Մեզ համար իսկապես հաճելի է տեսնել ու զգալ այն հյուրընկալությունն ու ջերմ ընդունելությունը, որ ցուցաբերվեց Երևանում առաջին իսկ պահից: Այցի շրջանակում մենք հասցրել ենք արդեն փոքր-ինչ ծանոթանալ Երևանի պատմությանն ու քաղաքի անցուդարձին, և պետք է վստահեցնեմ, պարոն քաղաքապետ, որ տպավորված ենք Երևանով: Եվ համոզված եմ, որ ֆուտբոլը մեզ ավելի սերտ կապերով կկապի Երևանի հետ»,- նշել է Ռոլֆ Ռեյնարդը: --0--

Loading...
Թեմատիկ նյութեր
Բաժնի այլ նյութեր
11:44
27 Հունիսի 2017
Հայ աթլետները ոսկե, արծաթե ու բրոնզե մեդալներ են նվաճել Եվրոպայի թիմային առաջնության 3-րդ լիգայում
Չեմպիոն են դարձել Լևոն Աղասյանը (եռացատկ) և Երվանդ Մկրտչյանը (3000 մ խոչընդոտավազք):
10:47
27 Հունիսի 2017
Արսեն Գուլամիրյանը զբաղեցրել է WBA վարկանիշի առաջին հորիզոնականը
Գուլամիրյանը լավագույնն է մինչև 90,7 քաշային կարգում։
19:32
26 Հունիսի 2017
Հովհաննես Բաչկով. բոլոր հաղթանակներս նվիրում եմ հայ ազգին
Բռնցքամարտի Եվրոպայի առաջնության չեմպիոն Հովհաննես Բաչկովը նշել է, որ իր բոլոր հաղթանակները միշտ նվիրում է հայ ազգին:
23:13
24 Հունիսի 2017
Հովհաննես Բաչկովը՝ Եվրոպայի չեմպիոն
Հայ բռնցքամարտիկը եզրափակչում հաղթեց անգլիացի Լյուկ Մակորմեկին։
19:19
23 Հունիսի 2017
Հենրիխ Մխիթարյան. հուսով եմ` ձեռքբերումներս օրինակ կծառայեն յուրաքանչյուր երեխայի համար և կստիպեն հավատալ սեփական երազանքներին
Հենրիխ Մխիթարյանն ուրախ է, որ ոգեշնչման աղբյուր է Հայաստանի երիտասարդ սերնդի համար։
18:24
23 Հունիսի 2017
ԵԱ. Հովհաննես Բաչկովը եզրափակչում է
Խարկովում ընթացող բռնցքամարտի Եվրոպայի առաջնությունում 64 կգ քաշային Հովհաննես Բաչկովը դուրս եկավ եզրափակիչ:
12:48
23 Հունիսի 2017
Ծանրորդ Սիմոն Մարտիրոսյանը` աշխարհի երիտասարդական առաջնության ոսկե մեդալակիր
Տոկիոյում ավարտվել է ծանրամարտի աշխարհի երիտասարդական առաջնությունը։

18:43
22 Հունիսի 2017
Մխիթարյանի հիշողություններից` «դպրոցական բոլոր գոլերս հիանալի էին»
Հայաստանի հավաքականի և «Մանչեսթեր Յունայթեդ»–ի կիսապաշտպան Հենրիխ Մխիթարյանը պատմել է դպրոցական հիշողությունների մասին։
15:15
22 Հունիսի 2017
Սամվել Գասպարյանը` Ծանրամարտի աշխարհի երիտասարդական առաջնության բրոնզե մեդալակիր
Գասպարյանը նաև փոքր արծաթե մեդալի արժանացավ հրում վարժությունում:
20:20
21 Հունիսի 2017
ԵԱ. Հովհաննես Բաչկովն առնվազն բրոնզե մեդալ ապահովեց
Հայ բռնցքամարտիկը մտավ կիսաեզրափակիչ և ապահովեց առնվազն բրոնզե մեդալ:
18:00
21 Հունիսի 2017
Սոնա Պողոսյանը մեծ բրոնզե և փոքր արծաթե մեդալներ նվաճեց Ծանրամարտի աշխարհի առաջնությունում
Տոկիոյում Ծանրամարտի աշխարհի երիտասարդական առաջնությունում Սոնա Պողոսյանը երկամարտի 223 կգ արդյունքով դարձավ բրոնզե մեդալակիր:
10:15
21 Հունիսի 2017
ԵԱ. Կարեն Տոնականյանը քառորդ եզրափակչում է
Տոնականյանը միաժամանակ ապահովեց աշխարհի առաջնության ուղեգիր: