478.62
+0.08
550.51
-1.2
8.1
+0.01
+24
Եղանակը Երևանում
Հայ
Հայ մարզիկները Բաքվում անվտանգության մեջ են և հաղթանակի են տրամադրված. Գիլոյան
20:25
15 Հունիսի 2015

ԵՐԵՎԱՆ, 15 հունիսի. /Նովոստի–Արմենիա/. Հայ մարզիկները Բաքվում անվտանգության մեջ են և հաղթանակի են տրամադրված, ասաց հավաքականի մամուլի քարտուղար Կարեն Գիլոյանը «Sputnik-Արմենիա» ռադիոկայանի եթերում։

Ըստ նրա` մրցումներն անցնում են նորմալ հունով, հայ մարզիկների տրամադրությունը մարտական է, նրանք տրամադրված են պայքարի և հաղթանակի։

«Իմ խոսքերի լավագույն հաստատումը հունահռոմեական ոճի հայ ըմբիշների ելույթն է։ Երեկ հիանալի մենամարտեր են անցկացրել Միհրան Հարությունյանը և Մաքսիմ Մանուկյանը։ Միհրանի նվաճած արծաթե մեդալը ոսկու արժեք ունի, և սրանք լոկ խոսքեր չեն»,– ասաց Գիլոյանը։

Նա նշեց, որ երկրպագուներին նույնիսկ պետք չէ բացատրել, թե ինչ են արել մրցավարները, որպեսզի զրկեին հայ մարզիկին չեմպիոնի տիտղոսից։

«Երբ մեր ըմբիշները բարդ մենամարտում հաղթեցին ադրբեջանցի ներկայացուցիչներին, ապա որևէ խնդիր չեղավ։ Պարզապես եզրափակչում ամեն ինչ փոխվեց, և դատավորները թույլ չտվեցին, որ Միհրանը բարձրանա պարտերից։ Հակառակորդը կառչում էր նրա մարզահագուստից և մատներից։ Մեր մարզիկին երեք նախազգուշացում տվեցին, մինչդեռ  հակառակորդի սխալներն անտեսվում  էին»,– ասաց Գիլոյանը։

«Ամեն դեպքում, մենք չենք ընկճվում դրանից, հակառակը` մենք ավելի լավ ենք տրամադրված։ Վաղվանից պայքարի մեջ կմտնեն բռնցքամարտիկները, ավելի ուշ` ազատ ոճի ըմբիշները, այդ պատճառով ամեն ինչ դեռ առջևում է»,– նշեց Գիլոյանը։

Ինչ վերաբերում է մարզիկների անվտանգությանը, ապա Գիլոյանի խոսքով, այն միանգամայն ապահովված է, և մտահոգվելու կարիք չկա։ «Մենք մտածում ենք միայն պայքարի և հաղթանակի մասին։ Եվ, փառք Աստծո, շատ լավ ենք մասնակցում, բարձր մակարդակում ենք պահում մեր դրոշի, պետության պատիվը մեր արժանի ելույթներով»,– նշեց Գիլոյանը։

Նախօրեին հունահռոմեական ոճի հայ ըմբիշ Միհրան Հարությունյանը Բաքվի Եվրոպական խաղերում արծաթե մեդալ է նվաճել մինչև 66 կգ քաշային կարգում։

Վճռորոշ մարտում Հարությունյանը պարտվել է ռուս Արտյոմ Սուրկովին։

Եզրափակչի ճանապարհին Հարությունյանը պարտության է մատնել իսպանացի Նավառո Սանչեսին, բուլղարացի Կոնստանտին Ստասին, սերբ Ալեքսանդր Մաքսիմովիչին։ Կիսաեզրափակչում հայ մարզիկը հաղթել է ադրբեջանցի Հասան Ալիևին։

Եվրոպական առաջին օլիմպիական խաղերը, որոնք հետագայում պետք է անցկացվեն չորս տարին մեկ անգամ, անցկացվում են Բաքվում հունիսի 12–28–ը։ Մրցումների ընթացքում կխաղարկվի 253 կոմպլեկտ մեդալ` 20 մարզաձևում, որից 11–ով կխաղարկվեն Օլիմպիական ուղեգրեր, որը տեղի կունենա 2016 թ.–ին Ռիո դե Ժանեյրոյում։

Սպասվում է, որ մրցումներին կմասնակցեն մայրցամաքի բոլոր երկրները ներկայացնող ավելի քան 6 հազար մարզիկներ։–0–

Loading...
Թեմատիկ նյութեր
Բաժնի այլ նյութեր
18:28
20 Հուլիսի 2017
Խառը մարտերի հայազգի մարտիկը հաղթել է թուրք մրցակցին (ՎԻԴԵՈ)
Խառը մարտերի հայազգի մարտիկ Սարգիս Վարդանյանն Անթալիայում հաղթել է թուրք մրցակից Կարիմ Կելեշինին։  
18:17
18 Հուլիսի 2017
Վարշամ Բորանյանը բրոնզե մեդալ է նվաճել միջազգային մրցաշարում
Հունահռոմեական ոճի ըմբշամարտի Հայաստանի հավաքականի անդամ Վարշամ Բորանյանն Իսպանիայում մասնակցել է միջազգային մրցաշարի:
12:07
18 Հուլիսի 2017
Մխիթարյան vs Մովսիսյան. «կարմիր սատանաները» հաղթեցին
«Մանչեսթեր Յունայթեդը» հաղթանակ է տարել «Ռեալ Սոլթ Լեյքի» նկատմամբ:
15:03
16 Հուլիսի 2017
«Մանչեսթեր Յունայթեդը» ջախջախել է «Լոս-Անջելես Գելեքսիին». Հենրիխ Մխիթարյանը` գոլի հեղինակ (ՎԻԴԵՈ)
«Մանչեսթեր Յունայթեդը» առաջին ստուգողական հանդիպման շրջանակում 5:2 հաշվով հաղթել է «Լոս-Անջելես Գելեքսիին»:
12:30
16 Հուլիսի 2017
Արթուր Աբրահամը պարտվեց Քրիս Յուբենքին
Լոնդոնում կայացավ  Արթուր Աբրահամի և բրիտանացի Քրիս Յուբենք կրտսերի մենամարտը։
12:23
13 Հուլիսի 2017
Հայտնի են 2024 և 2028 թթ. ամառային օլիմպիական խաղերի քաղաքները
Առաջիկա ամառային օլիմպիական խաղերը 2020 թվականին կկայանան Տոկիոյում:
17:30
12 Հուլիսի 2017
Վահան Բիչախչյանը ներառվել է ամենահեռանկարային երիտասարդ ֆուտբոլիստների վարկանիշում (ՎԻԴԵՈ)
18–ամյա Վահան Բիչախչյանը համապատասխանում է բոլոր պարամետրերին, որպեզի հանդես գա եվրոպական ակումբներում։
15:15
12 Հուլիսի 2017
Աշխարհի նախկին չեմպիոն Արթուր Աբրահամը պատրաստվում է վճռորոշ մենամարտի (ՎԻԴԵՈ)
Արթուր Աբրահամը Facebook–ի իր էջում տեսանյութ է հրապարակել, թե ինչպես է պատրաստվում Քրիս Յուբենկ կրտսերի հետ մենամարտի։
20:30
11 Հուլիսի 2017
«Մանչեսթեր Յունայթեդը» թարմացնում է կազմը (ՖՈՏՈ)
«Մանչեսթեր Յունայթեդի» կազմում փոփոխություններ են սպասվում։
14:51
10 Հուլիսի 2017
Եվրոպական ակումբները պայքարում են նոր Հենրիխ Մխիթարյանի համար
Շիրակի» երիտասարդ ֆուտբոլիստ Վահան Բիչախչյանը գրավել է եվրոպական ակումբների սկաուտների ուշադրությունը։
16:57
08 Հուլիսի 2017
Յուրա Մովսիսյանը վետերան է, թիմի առանցքային մասնիկը. Էլիոթ Ֆոլ
Վերջերս տեղեկություններ են հայտնվել, որ հայ հարձակվող Յուրա Մովսիսյանը հեռանալու է ամերիկյան «Ռեալ Սոլթ Լեյք» ակումբից:
14:20
05 Հուլիսի 2017
Հենրիխ Մխիթարյանը Մոուրինյուի ամենաթանկարժեք տրանսֆերների տասնյակում է
«Մանչեսթեր Յունայթեդի» պաշտոնական կայքը ներկայացրել է գլխավոր մարզիչ Ժոզե Մոուրինյուի ամենաթանկարժեք տրանսֆերների տասնյակը: