486.78
-0.64
574.01
+0.22
8.17
+0.03
+12
Եղանակը Երևանում
Հայ
Համաշխարհային ֆուտբոլի վետերան աստղերը կհավաքվեն Երևանում Խորեն Հովհաննիսյանի 60-ամյակին նվիրված խաղին մասնակցելու համար
19:04
16 Մարտի 2015

ԵՐԵՎԱՆ, 16 մարտի. /Նովոստի-Արմենիա/. Աշխարհի և ԽՍՀՄ վետերան աստղերի միջև ընկերական խաղը, նվիրված լեգենդար հայ ֆուտբոլիստ Խորեն Հովհաննիսյանի 60-ամյակին, տեղի կունենա Երևանի Հանրապետական մարզադաշտում մարտի 28-ին։ 

Ինչպես երկուշաբթի Երևանում լրագրողներին հայտնեց միջոցառման կազմակերպիչ և հովանավոր, ռուսաստանաբնակ հայ գործարար Արթուր Սողոմոնյանը, Միլան իր այցից հետո պայմանավորվածություններ են ձեռք բերվել խաղին մի շարք հայտնի ֆուտբոլիստների մասնակցության մասին։

«Աշխարհի հավաքականի կազմը դեռ ամբողջովին որոշված չէ, սակայն արդեն պայմանավորվածություններ կան այն մասին, որ այնտեղ հանդես կգան Մարկո Մատերացին, Ջենարո Գատուզոն, Անջելո Դի Լիվիոն, Ֆրանկո Բարեզին, (դեռ չի ստացվել Ալեսանդրո Կոստակուրտայի պատասխանը) Իտալիայից, ֆրանսիացիներ Վենսան Կանդելան և Ժան-Պիեռ Պապենը, բրազիլացի Ալդաիրը», - ասաց Սողոմոնյանը։ 

Նրա խոսքերով` Ռոբերտո Կառլոսը նույնպես ասաց, որ հաճույքով կխաղա Երևանում, սակայն նրա մասնակցության հարցը կհստակեցվի այս շաբաթ։

«Նաև կժամանեն ֆինն Յարի Լիտմանենը, չեխ Պատրիկ Բերգերը, պորտուգալացի Պաոլո Ֆերեյրան, չիլիացի Իվան Սամորանոն, կոլումբիացի Ֆաուստինո Ասպրիլյան, նիգերիացի Տիջանի Բաբանգիդան, բուլղարացի Խրիստո Ստոիչկովը»,– նշեց Սողոմոնյանը։

Նա ավելացրեց, որ երկու հավաքականների կազմեր հրավիրված են բոլորովին վերջերս կարիերան ավարտած որոշ խաղացողներ, որ խաղն ավելի գեղեցիկ դարձնեն։

«ԽՍՀՄ հավաքականում հանդես կգան Լեոնիդ Բուրյակը, Իգոր Բելանովը, Անատոլի Դեմյանենկոն, Ալեքսեյ Միխայլիչենկոն, Վլադիմիր Բեսսոնովն Ուկրաինայից, ռուսներ Ռինատ Դասաևը, Վագիզ Խիդիյատուլինը, Գեորգի Յարցևը, Օլեգ Ռոմանցևը, Վալերի Գազաևը, Յուրի Գավրիլովը, Ալեքսանդր Տարխանովը, Ախրիկ Ցվեյբան, Սերգեյ Գոռլուկովիչը, Վալերի Շմարովը, Դմիտրի Կուզնեցովը, Վալերի Կետչինովը, Յուրի Կովտունը, Գեորգի Խրիստովը, վրացիներ Ալեքսանդր Ճիվաձեն, Թենգիզ Սուլաքվելիձեն, Օթար Գաբելիան, Գուրամ Աջոևը։ Ինչպես նաև Վահիդ Մասուդովը Ղազախստանից և Ալբերտ Սարգսյանը Երևանի «Արարատից»»,– ասաց Սողոմոնյանը։

Նա նշեց, որ ԽՍՀՄ հավաքականի մարզիչը կլինի հայտնի խորհրդային ֆուտբոլիստ և Վաստակավոր մարզիչ Անատոլի Բիշովեցը, նրա օգնականը` Եվգենի Լովչևը։

«Աշխարհի հավաքականը գլխավորելու համաձայնություն ենք սպասում Ալբերտո Ձաքերոնիից (իտալացի հայտնի մարզիչ, ով աշխատել է իտալական երեք առաջատար ակումբներում` «Յուվենտուսում», «Միլանում» և «Ինտերում»)»,– ասաց Սողոմոնյանը։

Ըստ նրա` խաղը բարեգործական բնույթ է կրում, և բոլոր հավաքված միջոցները կուղղվեն ուռուցքային, արյունաբանական և այլ հիվանդություններով տառապող երեխաների «Նվիրիր կյանք» հիմնադրամին։ Տոմսերի արժեքն է 500-1500 դրամ (1,03–ից 3,1 ԱՄՆ դոլար)։Ֆուտբոլային տոնին ելույթ կունենան Վախթանգ Կիկաբիձեն, ինչպես նաև հայ հայտնի երգիչ Թաթա Սիմոնյանը։

Խորեն Հովհաննիսյանի խոսքով` ԽՍՀՄ հավաքականի կազմում, հավանաբար, կխաղա նաև նրա որդին` Ժորա Հովհաննիսյանը։

«Ես ինքս էլ եմ պատրաստվում խաղի, կլինեմ մարզավիճակում։ Մենք հույս ունենք, որ կխաղա նաև 2-3 մարդ Հայաստանից»,– ասաց Հովհաննիսյանը։

Խաղը բաղկացած կլինի յուրաքանչյուրը 35 րոպե տևողության երկու խաղակեսերից։

Խորեն Հովհաննիսյանը հայկական ֆուտբոլի ամենախարիզմատիկ ներկայացուցիչներից է։ Խաղացել է Երևանի «Արարատում» 1975-1985 թվականներին։ Աչքի է ընկել որպես խաղի հիանալի կազմակերպիչ, ով ունի զարմանալի տեխնիկա և առաջնորդի որակներ։ Գ.Ֆեդոտովի ակումբի անդամ։ 35 խաղ է անցկացրել ԽՍՀՄ հավաքականում, 7 գնդակ է խփել։ 1980 թվականի Մոսկվայի Օլիմպիական խաղերի բրոնզե մրցանակակիր է։ 1976 թվականի Եվրոպայի երիտասարդական թիմերի չեմպիոն։ 1975 թվականի ԽՍՀՄ գավաթակիր, 1976 թվականի ԽՍՀՄ գարնանային առաջնության արծաթե մրցանակակիր։ 1982 թվականին մասնակցել է Իսպանիայի աշխարհի առաջնությանը` դառնալով Բելգիայի դարպաս ուղարկած գեղեցիկ գոլի հեղինակ։ -0-

Loading...
Թեմատիկ նյութեր
Բաժնի այլ նյութեր
11:25
18 Նոյեմբերի 2017
«Տաշիր» խմբի հիմնադիր Սամվել Կարապետյանը` «Արարատ» ՖԱ նախագահ
«Արարատ» ֆուտբոլային ակումբւ նախագահ է ընտրվել ձեռնարկատեր և մեկենաս Սամվել Կարապետյանը:
19:44
17 Նոյեմբերի 2017
Հենրիխ Մխիթարյանը 2018 թ.–ի ԱԱ–ն բաց թողած ֆուտբոլի համաշխարհային աստղերի խորհրդանշական հավաքականում է
Հենրիխ Մխիթարյանը 2018 թ.–ի ԱԱ–ն բաց թողած ֆուտբոլի համաշխարհային աստղերի խորհրդանշական հավաքականում է:
13:13
17 Նոյեմբերի 2017
Հայ հերոս. ցանցում հայտնվել է Հենրիխ Մխիթարյանի մասին պատմող ֆիլմը (ՎԻԴԵՈ)
«Մանչեսթեր Յունայթեդը» 60 րոպե տևողությամբ ֆիլմ է ցուցադրել Հենրիխ Մխիթարյանի մասին։
13:18
16 Նոյեմբերի 2017
Հենրիխ Մխիթարյանի խփած բոլոր 25 գոլերը Հայաստանի հավաքականի կազմում (ՎԻԴԵՈ)
Ներկայացնում ենք Հենրիխ Մխիթարյանի խփած բոլոր 25 գոլերը Հայաստանի հավաքականի կազմում։
20:31
14 Նոյեմբերի 2017
Լեգենդար Բուֆոնն արցունքն աչքերին հրաժեշտ տվեց Իտալիայի հավաքականին (ՎԻԴԵՈ)
Բուֆոնն արցունքներն աչքերին հայտարարեց Իտալիայի հավաքականում կարիերայի ավարտի մասին։
18:16
14 Նոյեմբերի 2017
Championat.com. Հենրիխ Մխիթարյանն ազգի հերոսն է
Championat.com հայտնի մարզական պարբերականը Հենրիխ Մխիթարյանին ազգի հերոս է անվանել։
20:07
13 Նոյեմբերի 2017
Հայաստանի հավաքականը հաղթանակ տարավ Կիպրոսի նկատմամբ (ՖՈՏՈ)
Հայաստանի ազգային հավաքականը երկուշաբթի տարվա վերջին ընկերական հանդիպումն է անցկացրել:
15:17
13 Նոյեմբերի 2017
Կրիվցով. կյանքումս տեսած երկու անհավանական պրոֆեսիոնալներից մեկը Հենրիխ Մխիթարյանն է
Մխիթարյանը 2010-ից 2013 թվականներին հանդես է եկել «Շախտյորում» Կրիվցովի և Սռնայի հետ միասին:
12:59
11 Նոյեմբերի 2017
ՀՖՖ-ն կոշտ հայտարարություն է արել Բելառուսի հետ իբր պայմանավորված խաղի լուրերի վերաբերյալ
Նախօրեին հայկական լրատվամիջոցներում լուրեր տարածվեցին, թե, իբր, նոյեմբերի 9-ին կայացած Հայաստան-Բելառուս հանդիպումը կրել է պայմանավորված բնույթ։
20:24
10 Նոյեմբերի 2017
Հենրիխ Մխիթարյանը բացառիկ կադրեր է հրապարակել իր մասին պատմող նոր ֆիլմից (ՎԻԴԵՈ)
Հենրիխ Մխիթարյանը բացառիկ կադրեր է հրապարակել իր մասին պատմող նոր ֆիլմից, որը եթեր կհեռարձակվի այս հինգշաբթի։
17:49
10 Նոյեմբերի 2017
ՀՖՖ–ն կտրականապես հերքում է Բելառուսի հավաքականի հետ պայմանավորվածության մասին տեղեկությունները
Նախօրեին Հայաստանի հավաքականը 4։1 հաշվով ջախջախել է բելառուսներին Երևանում կայացած ընկերական հանդիպման ընթացքում։
20:06
09 Նոյեմբերի 2017
Հայաստանի հավաքականը վստահ հաղթանակ տարավ Բելառուսի ընտրանու նկատմամբ
Հայաստանի ազգային հավաքականը վստահ հաղթանակ տարավ Բելառուսի ընտրանու հետ ընկերական խաղում։