484.78
-2
571.8
-2.21
8.19
+0.02
+6
Եղանակը Երևանում
Հայ
Հայկական ֆուտբոլի լեգենդներ Անդրեասյանն ու Մարկարովը չեն հավատում հայկական հավաքականի հաղթանակին պորտուգալացիների հետ խաղում
13:59
13 Նոյեմբերի 2014

ԵՐԵՎԱՆ, 13 նոյեմբերի. /Նովոստի-Արմենիա/. «Արարատ 73» լեգենդար ֆուտբոլի ակումբի վետերաններ Էդուարդ Մարկարովն ու Արկադի Անդրեասյանը հայտարարել են, որ չեն հավատում հայկական հավաքականի հաղթանակին Եվրոպայի առաջնության ընտրական փուլի շրջանակում վաղը կայանալիք հանդիպման ժամանակ, սակայն շատ են ցանկանում, որ թիմը հաղթի:

«Իմ կարծիքով՝ պորտուգալացիների հետ հանդիպումն ամենաբարդն է լինելու Հայաստանի հավաքականի համար: Եթե հարցին իրատեսորեն նայենք, ապա ակնհայտ է դառնում, որ շատ դժվար է լինելու, քանի որ Պորտուգալիայի հավաքականի երկու ֆուտբոլիստները (Պեպեն և Քրիշտիանու Ռոնալդուն) Մադրիդի «Ռեալ» ակումբից են, երեք պորտուգալական թիմեր հանդես են գալու Չեմպիոնների լիգայում («Պորտու», «Բենֆիկա» և «Սպորտինգ»), և ևս երկուսը ներկայացված են Եվրոպայի Լիգայում», - լրագրողներին ասել է Անդրեասյանը:

Նրա խոսքերով՝ պորտուգալացիների հետ հանդիպման ժամանակ Հայաստանի հավաքականը պետք է առաջին հերթին մտածի առաջին գոլը բաց չթողնելու մասին, իսկ հետո հակագրոհների ժամանակ հնարավորություն փնտրի, ինչպես դա արեց Ալբանիայի հավաքականը:

Պատասխանելով «Նովոստի-Արմենիա» գործակալության այն հարցին, թե արդյոք հավատու՞մ են հայկական թիմի հաջողությանը՝ Անդրեասյանն ու Մարկարովը բացասական պատասխան տվեցին:

«Չեմ հավատում հայկական թիմի հաղթանակին, ես պարզապես մեծ ցանկություն ունեմ: Չի կարելի հաշվի չառնել այն, որ աշխարհի լավագույն խաղացողը հանդես է գալիս Պորտուգալիայի հավաքականում: Պորտուգալիայի առաջնությունը պարզապես չի կարելի համեմատել մեր առաջնության հետ, և այս բոլոր գործոններն անհնար է հաշվի չառնել», - ընդգծեց Անդրեասյանը:
Էդուարդ Մարկարովն իր հերթին, համաձայնելով Անդրեասյանի կարծիքի հետ, նշեց, որ հայկական հավաքականը լավ է խաղում հանդիպման միայն առաջին 20 րոպեին, հետո թիմը սկսում է ուժասպառ լինել:

«Ուշադրություն դարձրեք մեր լեգիոներների և Հայաստանի առաջնությանը մասնակցող խաղացողների ֆիզիկական վիճակի տարբերությանը: Այնպես է ստացվում, որ լեգիոներների վրա կրկնակի ծանրաբեռնվածություն է ընկնում: Ցանկանում եք դա, թե ոչ, սակայն լեգիոներները հավաքականում կրկնակի աշխատանք են կատարում, ինչը, բնականաբար, բացասաբար է ազդում թիմի արդյունքների վրա», - կարծում է Մարկարովը:

Նա նաև նշեց, որ պորտուգալացիների հետ հանդիպումը բարդ և ծանր է լինելու, սակայն Հայաստանի հավաքականն ի վիճակի ըստ արժանվույն խաղալ:

Խոսելով Եվրո-2016-ի եզրափակիչ դուրս գալու` Հայաստանի հավաքականի հնարավորությունների մասին՝ Անդրեասյանը նշեց, որ տեսնելով խումբը, որտեղ հայտնվել է հայկական թիմը, նա միանգամից մտածել է, որ թիմը կպայքարի չորրորդ տեղի համար, սակայն Սերբիայի և Ալբանիայի հավաքականների շուրջ ստեղծված իրավիճակը թույլ է տալիս հուսալ, որ հայկական թիմը կկարողանա երրորդ տեղը գրավել:

«Որպեսզի Հայաստանի հավաքականը կարողանա դուրս գալ աշխարհի և Եվրոպայի առաջնությունների եզրափակիչ, թիմին հարկավոր է Հենրիխ Մխիթարյանի մակարդակի գոնե 4-5 խաղացող», - ավելացրեց Անդրեասյանը:

Հայկական խումբը Եվրո-2016-ի ընտրական փուլի խմբում ուժերը կչափի Դանիայի, Պորտուգալիայի, Ալբանիայի և Սերբիայի հավաքականների հետ: Խմբում առաջատարը Ալբանիայի և Դանիայի հավաքականներն են, որոնք երեք հանդիպումից հետո վաստակել են չորսական միավոր:-0-

Loading...
Թեմատիկ նյութեր
Բաժնի այլ նյութեր
21:05
20 Նոյեմբերի 2017
Լևոն Արոնյանը ոչ–ոքի է խաղացել ՖԻԴԵ–ի Գրան–պրիի եզրափակիչ փուլում և պահպանում է առաջատարի դիրքը
Լևոն Արոնյանը 5–րդ տուրում ոչ–ոքի է խաղացել չինացի շախմատիստ Դին Լիժենի հետ Իսպանիայում անցկացվող ՖԻԴԵ–ի Գրան–պրիի եզրափակիչ փուլում։
17:03
20 Նոյեմբերի 2017
The Sun. Հենրիխ Մխիթարյանը պայքարում է «Մանչեսթեր Յունայթեդում» իր կարիերան փրկելու համար
Մխիթարյանի հանդեպ մեծ դժգոհություն կա Մոուրինյուի և նրա թիմի կողմից։
12:25
20 Նոյեմբերի 2017
Լևոն Արոնյանը միանձնյա գլխավորում է ՖԻԴԵ-ի Grand Prix մրցաշարի աղյուսակը
ՖԻԴԵ-ի Գրան պրիի 4-րդ տուրում Լևոն Արոնյանը հաղթանակ է տարել Անիշ Գիրիի նկատմամբ։
11:25
18 Նոյեմբերի 2017
«Տաշիր» խմբի հիմնադիր Սամվել Կարապետյանը` «Արարատ» ՖԱ նախագահ
«Արարատ» ֆուտբոլային ակումբւ նախագահ է ընտրվել ձեռնարկատեր և մեկենաս Սամվել Կարապետյանը:
19:44
17 Նոյեմբերի 2017
Հենրիխ Մխիթարյանը 2018 թ.–ի ԱԱ–ն բաց թողած ֆուտբոլի համաշխարհային աստղերի խորհրդանշական հավաքականում է
Հենրիխ Մխիթարյանը 2018 թ.–ի ԱԱ–ն բաց թողած ֆուտբոլի համաշխարհային աստղերի խորհրդանշական հավաքականում է:
13:13
17 Նոյեմբերի 2017
Հայ հերոս. ցանցում հայտնվել է Հենրիխ Մխիթարյանի մասին պատմող ֆիլմը (ՎԻԴԵՈ)
«Մանչեսթեր Յունայթեդը» 60 րոպե տևողությամբ ֆիլմ է ցուցադրել Հենրիխ Մխիթարյանի մասին։
13:18
16 Նոյեմբերի 2017
Հենրիխ Մխիթարյանի խփած բոլոր 25 գոլերը Հայաստանի հավաքականի կազմում (ՎԻԴԵՈ)
Ներկայացնում ենք Հենրիխ Մխիթարյանի խփած բոլոր 25 գոլերը Հայաստանի հավաքականի կազմում։
20:31
14 Նոյեմբերի 2017
Լեգենդար Բուֆոնն արցունքն աչքերին հրաժեշտ տվեց Իտալիայի հավաքականին (ՎԻԴԵՈ)
Բուֆոնն արցունքներն աչքերին հայտարարեց Իտալիայի հավաքականում կարիերայի ավարտի մասին։
18:16
14 Նոյեմբերի 2017
Championat.com. Հենրիխ Մխիթարյանն ազգի հերոսն է
Championat.com հայտնի մարզական պարբերականը Հենրիխ Մխիթարյանին ազգի հերոս է անվանել։
20:07
13 Նոյեմբերի 2017
Հայաստանի հավաքականը հաղթանակ տարավ Կիպրոսի նկատմամբ (ՖՈՏՈ)
Հայաստանի ազգային հավաքականը երկուշաբթի տարվա վերջին ընկերական հանդիպումն է անցկացրել:
15:17
13 Նոյեմբերի 2017
Կրիվցով. կյանքումս տեսած երկու անհավանական պրոֆեսիոնալներից մեկը Հենրիխ Մխիթարյանն է
Մխիթարյանը 2010-ից 2013 թվականներին հանդես է եկել «Շախտյորում» Կրիվցովի և Սռնայի հետ միասին:
12:59
11 Նոյեմբերի 2017
ՀՖՖ-ն կոշտ հայտարարություն է արել Բելառուսի հետ իբր պայմանավորված խաղի լուրերի վերաբերյալ
Նախօրեին հայկական լրատվամիջոցներում լուրեր տարածվեցին, թե, իբր, նոյեմբերի 9-ին կայացած Հայաստան-Բելառուս հանդիպումը կրել է պայմանավորված բնույթ։