484.11
-0.64
570.43
-1.33
8.23
+0.04
+6
Եղանակը Երևանում
Հայ
Արթուր Աբրահամը ցանկանում է երկու մենամարտ անցկացնել մինչև տարեվերջ
19:16
15 Մայիսի 2014

ԵՐԵՎԱՆ, 15 մայիսի. /Նովոստի–Արմենիա/. WBO վարկածով միջին քաշային կարգում աշխարհի չեմպիոն, Գերմանիայի ներկայացուցիչ հայ բռնցքամարտիկ Արթուր Աբրահամը մտադիր է երկու մենամարտ անցկացնել մինչև տարեվերջ։ Այդ մասին հայտնեց բռնցքամարտիկը հինգշաբթի կայացած մամուլի ասուլիսում։

«Ես պետք է գոնե մեկ մենամարտ անցկացնեմ, բայց ծրագրում եմ երկուսը` այս տարվա օգոստոսին և դեկտեմբերին։ Բայց ամեն ինչ ցույց կտա ժամանակը, այդ հարցերով զբաղվում է իմ մենեջերը»,– ասաց Աբրահամը։

Նա չնշեց հնարավոր հակառակորդների անունները` ասելով, որ այդ հարցը լուծում է իր մենեջերը։ Իսկ այժմ, ըստ նրա, ինքը ժամանել է Հայաստան մի փոքր հանգստանալու մարզումներից, սակայն երկար ժամանակ հայրենիքում մնալ չի կարող, քանի որ շուտով պետք է վերադառնա մարզումների` լավ մարզավիճակում մնալու համար։

«Երկար չեմ կարող հանգստանալ, քանի որ դրանից հետո դժվար է ճիշտ վիճակի վերադառնալ, այդ պատճառով մի քանի օր կմնամ այստեղ և կվերադառնամ մարզումների»,– ասաց նա։

Աբրահամը վերլուծեց վերջին երկու մենամարտերը և ասաց, որ առավել կարևոր իր համար դարձավ մարտի մեկին Ռոբերտ Շտիգլիցի հետ կայացած ռևանշը։ «Այդ մարտն ու այդ հաղթանակը չափազանց կարևոր էին ինձ համար, չէ՞ որ մեկ անգամ Շտիգլիցին հաջողվեց հաղթել, և ինձ համար կարևոր էր ռևանշ վերցնել։ Բայց յուրաքանչյուր հաղթանակ կարևոր է ինձ համար և իր տեղն ունի»,– ասաց մարզիկը։

Խոսելով իր վերջին հակառակորդ չեռնոգորցի Նիկոլա Սյեկլոչի մասին` Աբրահամը նշեց, որ նա շատ ուժեղ մրցակից էր` ֆիզիկապես ուժեղ շատ ծանր հարվածներով, այդ պատճառով հաղթանակի համար ստիպված էր Հայաստանում սովորած խորամանկ հնարքները կիրառել։

Բացի այդ, նա հայտնեց, որ ստիպված էր մարտը վարել և հարվածներ կատարել ձախ ձեռքով` ավելի վաղ ստացած վնասվածքի պատճառով։ Ավելին, բռնցքամարտիկի աջ ձեռքը մինչ օրս պետք է գիպսի մեջ լիներ, բայց հայ երկրպագուների առջև նա որոշեց հանդես գալ առանց դրա, թեև դա որոշակի անհանգստություն առաջացրեց նրա մարզչի մոտ, ով մշտապես հետաքրքրվում է իր սանի ձեռքի վիճակով։

Բայց Աբրահամը խոստովանեց, որ մենամարտի ժամանակ անհարմարություն չի զգացել, քանի որ հասցրել է բավականաչափ մարզել ձախ ձեռքի հարվածները` մարտը «չաշխատող» ձեռքով անցկացնելու համար։

Աբրահամի և Շտիգլիցի` թվով երրորդ մենամարտը կայացել է մարտի 1–ին գերմանական Մագդեբուրգում։

Բռնցքամարտիկների առաջին հանդիպումն անցել էր 2012 թվականի օգոստոսին և ավարտվել Աբրահամի հաղթանակով։ 2013 թվականի մարտի 23–ին Աբրահամը չկարողացավ պաշտպանել WBO վարկածով  երկրորդ թեթև քաշում աշխարհի չեմպիոնի տիտղոսը գերմանացի Ռոբերտ Շտիգլիցի հետ ռևանշ–մենամարտում` վնասվածքի պատճառով։ Երկրորդ ռաունդում Աբրահամը վնասվածք ստացավ` ձախ աչքի մոտ հեմատոմա առաջացավ, իսկ երրորդ ռաունդից հետո աչքն ամբողջությամբ փակվեց։ Բժշկի զննումից հետո դատավորները որոշում կայացրեցին դադարեցնել մարտը` տեխնիկական նոկաուտով հաղթանակ շնորհելով Շտիգլիցին։

Չեմպիոնի տիտղոսը Նիկոլա Սյեկլոչեի հետ Աբրահամը պաշտպանեց մայիսի երեքին։

Արթուր Աբրահամը (Ավետիք Աբրահամյան) ծնվել է Հայաստանում, հանդես է գալիս Գերմանիայի դրոշի ներքո։ Աշխարհի չեմպիոնի տիտղոսն է կրել IBF վարկածով միջին քաշում 2005-2009 թվականներին։ 2012 թվականին ճանաչվել է Գերմանիայի լավագույն բռնցքամարտիկ ըստ "Boxsport" ամսագրի։ -0-

Loading...
Թեմատիկ նյութեր
Բաժնի այլ նյութեր
21:31
11 Դեկտեմբերի 2017
Լևոն Արոնյանը պարտվեց աշխարհի չեմպիոնին London Chess Classic–ի վերջին տուրում
Հայ գրոսմայստեր Լևոն Արոնյանը ծանր պարտիայում պարտություն կրեց շախմատի աշխարհի չեմպիոն Մագնուս Կարլսենից։
19:23
11 Դեկտեմբերի 2017
Հայաստանում առաջին անգամ կանցկացվի պարալիմպիկ լեռնադահուկային առաջնություն
Առաջին պարալիմպիկ լեռնադահուկային առաջնությունը կկազմակերպվի 2018 թվականի հունվարի 30-ից 31-ը Ծաղկաձորում:
13:37
11 Դեկտեմբերի 2017
Մոուրինյուն շշով հարվածել է Էդերսոնի գլխին «Մանչեսթեր Սիթիի» հետ հանդիպումից հետո
Մոուրինյուն ջրով լի շշով հարվածել է բրազիլացի դարպասապահի գլխին։
12:46
11 Դեկտեմբերի 2017
Հոկեյի «Արարատ» ակումբը երկու հաղթանակ տարավ «Խիմիկ-2-ի» նկատմամբ
26 խաղից հետո «Արարատը» 49 միավորով 14 թիմերի մեջ 6-րդն է:
11:59
11 Դեկտեմբերի 2017
Հենրիխ Մխիթարյանը Մոուրինյուի հետ կքննարկի իր ապագան ՄՅՈւ–ում
Հենրիխ Մխիթարյանը ցանկանում է Ժոզե Մոուրինյուի հետ քննարկել իր ապագան ակումբում:
20:35
08 Դեկտեմբերի 2017
Հենրիխ Մխիթարյանի երկրպագուները պահանջում են Մոուրինյուից խաղադաշտ վերադարձնել ֆուտբոլիստին
Հենրիխ Մխիթարյանի երկրպագուները «ռմբակոծել են» ՄՅՈւ–ի գլխավոր մարզիչ Ժոզե Մոուրինյուի Instagram-ի էջը։  
18:30
08 Դեկտեմբերի 2017
Հայտնի է Ոսկե գնդակ-2017-ի հաղթողը
Հայտնի է, թե ով է արժանացել Ոսկե գնդակ-2017 մրցանակին։
16:04
08 Դեկտեմբերի 2017
Հայաստանը պատրաստ է զբաղվել 2018 թ.–ի Օլիմպիադային ռուս մարզիկների մասնակցության կազմակերպչական հարցերով
Հայաստանի ազգային օլիմպիական կոմիտեն և Սպորտի և երիտասարդության հարցերի նախարարությունը պատրաստ են աջակցել 2018 թ.–ին կայանալիք  ձմեռային օլիմպիական խաղերին ռուս մարզիկների մասնակցության համար անհրաժեշտ բոլոր կազմակերպչական աշխատանքներին:
13:24
06 Դեկտեմբերի 2017
«Օլիմպիակոսը» Ջանլուիջի Բուֆոնին հատուկ մրցանակ է հանձնել (ՖՈՏՈ)
Նախօրեին «Յուվենտուսն» արտագնա խաղում ուժերը չափում էր «Օլիմպիակոսի» հետ։
11:29
06 Դեկտեմբերի 2017
Հենրիխ Մխիթարյանը` Իբրահիմովիչին. «Տեսնու՞մ ես, թե ով է հիմա Աստվածը»
Հենրիխ Մխիթարյանը կարծիք է հայտնել ակումբի հարձակվող Զլատան Իբրահիմովիչի մասին:
23:09
05 Դեկտեմբերի 2017
ՄՕԿ-ը հեռացրել է Ռուսաստանի հավաքականին 2018թ. Օլիմպիադայից
Միջազգային օլիմպիական կոմիտեն դադարեցրել է Ռուսաստանի օլիմպիական կոմիտեի անդամակցությունը 2018 թվականի Օլիմպիական խաղերին:
16:30
05 Դեկտեմբերի 2017
Հենրիխ Մխիթարյանը պատմել է, թե որ ֆուտբոլային ակումբին է երկրպագել փոքր տարիքում
Թինա Կանդելակին լեգենդ է անվանել Հենրիխ Մխիթարյանին։