ԵՐԵՎԱՆ, 14 դեկտեմբերի. /Նովոստի–Արմենիա/. Օլիմպիական կրկնակի չեմպիոնուհի Յանա Եգորյանը դարձել է ֆիզիկական կուլտուրայի և սպորտի բնագավառում ազգային մրցանակի դափնեկիր «Ռուսաստանի հպարտություն» անվանակարգի «տարվա մարզիկ» կարգում, հայտնում է
Rsport.ru–ն։
Մրցանակաբաշխության հանդիսավոր արարողությունը կայացել է չորեքշաբթի Մոսկվայում։ Դրան մասնակցել են` ՌԴ կառավարության ֆիզկուլտուրայի, սպորտի և երիտասարդական քաղաքականության հարցերով փոխվարչապետ Վիտալի Մուտկոն, ինչպես նաև ՌԴ սպորտի փոխնախարար Պավել Կոլոբկովը։
Սուսերամարտիկ Յանա Եգորյանը Ռուսաստանի հավաքականի կազմում Ռիոյի Օլիմպիական խաղերում երկու մեդալ է նվաճել անհատական և թիմային մրցաշարերում։ -0-