ԵՐԵՎԱՆ, 16 դեկտեմբերի. /Նովոստի-Արմենիա/. «Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է կիսապաշտպան Հենրիխ Մխիթարյանի ապագան:
«Յուրաքանչյուր խաղացող ունի իր գինը: Ճիշտ գնի դիմաց խաղացողը կարող է հեռանալ: Դա մարզչական իմ մոտեցումն է, եթե ակումբին պետք է իմ խորհուրդը: Եթե խաղացողը դժգոհ է կամ խաղացողի վերաբերյալ առաջարկություն կա, որը մեզ կբավարարի, ինչպես եղել է Դեպայի և Շնայդերլինի հետ, ես երբեք չեմ ասի «ոչ»: Ես հունվարյան տարնսֆերային պատուհանի այդքան էլ մեծ երկրպագու չեմ, բայց կարող է այնպիսի հնարավորություն լինի, որը չի կարելի բաց թողնել»,- Մոուրինյուի խոսքն է մեջբերում
sports.ru-ն:
Загружается новость ... "Лево"
Աղբյուրի հաղորդմամբ, պորտուգալացի մարզիչն ասել է, որ եթե ձմռանը հնարավորություն կա խաղացողին գնել, ում գնող ակումբը կցանկանար հունիսին գրանցել, բայց կարող է մի քանի ամսով ավելի շուտ ստանալ, ապա դա հիանալի տարբերակ է: -0-
