ԵՐԵՎԱՆ, 21 հուլիսի. /Նովոստի–Արմենիա/. Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը դարձել է «Մանչեսթեր Յունայթեդ»– «Մանչեսթեր Սիթի» խաղի գոլային փոխանցման հեղինակ։
ՏԱՍՍ–ի հաղորդմամբ, նախօրեին Չեմպիոնների միջազգային գավաթի շրջանակում «կարմիր սատանաները» հաղթանակ են տարել «Մանչեսթեր Սիթիի» նկատմամբ 2։0 հաշվով։ Հանդիպումն անցկացվել է ամերիկյան Հյուսթոնի «NRG-սթեդիում» մարզադաշտում։
Загружается новость ... "Лево"
Գոլեր են խփել Ռոմելու Լուկակուն (37-րդ րոպե) և Մարկուս Ռեշֆորդը (39)։
Չեմպիոնների միջազգային գավաթն անցկացվում է հինգերորդ անգամ։ Մրցաշարին մասնակցում են նաև անգլիական «Տոտենհեմը», «Չելսին» և «Արսենալը», իսպանական «Ռեալը» և «Բարսելոնան», իտալական «Յուվենտուսը», «Ռոման», «Միլանը» և «Ինտերը», գերմանական «Բավարիան» և «Բորուսիան», ֆրանսիական «Լիոնը»։ Խաղերն անցկացվում են ԱՄՆ–ում, Չինաստանում և Սինգապուրում։ -0-
