ԵՐԵՎԱՆ, 17 սեպտեմբերի. /Նովոստի-Արմենիա/. Անգլիայի Պրեմիեր լիգայի 5-րդ տուրի շրջանակում կիրակի «Մանչեսթեր Յունայթեդը» ջախջախեց «Էվերտոնին» 4:0 հաշվով:
Մանկունիացիները բացեցին հաշիվը 4-րդ րոպեին, գոլի հեղինակ դարձավ Անտոնիո Վալենսիան: 83-րդ րոպեին Հենրիխ Մխիթարյանը գոլ խփեց Լուկակուի փոխանցումից հետո: Հիմնական ժամանակի ավարտից մեկ րոպե առաջ աչքի ընկավ նաև Լուկակուն:
Եվ արդեն ավելացված ժամանակում պենալտի կատարեց Անտոնի Մարսյալը: Մրցաշարային աղյուսակում «Մանչեսթեր Յունայթեդը» կիսում է առաջին տեղը «Մանչեսթեր Սիթիի» հետ (13-ական միավոր): «Էվերտոնը» 18-րդ տեղում է 4 միավորով: -0-