Հայաստանի շախմատի կանանց հավաքականը կպայքարի չեմպիոնի կոչման համար

ԵՐԵՎԱՆ, 5 մարտի. /Նովոստի–Արմենիա/. Հայաստանի շախմատի կանանց հավաքականը մասնակցում է մարտի 5–ին Աստանայում մեկնարկող աշխարհի թիմային առաջնությանը։

Հայկական հավաքականի կազմում են` Էլինա Դանիելյանը, Լիլիթ Մկրտչյանը, Աննա Սարգսյանը, Մարիա Գևորգյանը և Սիրանուշ Ղուկասյանը։

Առաջին փուլում նրանք կմրցեն Եգիպտոսը ներկայացնող շախմատիստուհիների հետ։

Առաջին տուրում աշխարհի ուժեղագույն թիմի կոչման համար, բացի Հայաստանից, կպայքարեն Հունգարիայի, Վրաստանի, Եգիպտոսի, Հնդկաստանի, Ղազախստանի, Չինաստանի, Ռուսաստանի, ԱՄՆ–ի և Ուկրաինայի հավաքականները։ Ռուսներն ընթացիկ տիտղոսակիրներն են։

Տղամարդկանց հավաքականների մրցումներում Հայաստանը ներկայացված չէ։

Առաջին փուլի խաղերը կկայանան մարտի 5–ին։ Մրցաշարերը կավարտվեն մարտի 15–ին։ -0-