Հայ ձյուդոիստը` Սուրդլիմպիկ խաղերի արծաթե մեդալակիր

ԵՐԵՎԱՆ, 23 հուլիսի. /Նովոստի-Արմենիա/. Թուրքիայի Սամսուն քաղաքում ընթանում են 23-րդ ամառային Սուրդլիմպիկ խաղերը (լսողության խնդիրներ ունեցողների մարզական մրցումներ):

Մրցումներում հայ մարզիկները նվաճել են առաջին մեդալը, հայտնում է ՀԱՕԿ լրատվական բաժինը` հղում անելով մրցաշարի պաշտոնական կայքին:


Ձյուդոիստ Ռոբերտ Գևորգյանը 60 կգ քաշային կարգում դարձել է արծաթե մեդալակիր:

Ըստ աղբյուրի, Թուրքիայում Հայաստանի հավաքականը ներկայացված է տասն ըմբիշով և երկու ձյուդոիստով: -0-