ԵՐԵՎԱՆ, 3 հունիսի./Նովոստի–Արմենիա/. Հայաստանի ազգային հավաքականի ավագ, «Արսենալ»–ի կիսապաշտպան Հենրիխ Մխիթարյանը մասնակցել է իր հոր` լեգենդար խորհրդային ֆուտբոլիստ Համլետ Մխիթարյանի պատվին կոչված թարմացված մարզադաշտի բացմանը։
Մարզադաշտը գտնվում է Շիրակի մարզի Սպանդարյան համայնքում, հայտնում է Հայաստանի հանրային ռադիոն։ Բացման միջոցառմանը մասնակցած երեխաները հիացմունքով են դիմավորել ֆուտբոլիստին, ով մոր և քրոջ ուղեկցությամբ ժամանել է միջոցառմանը։
«Շնորհակալություն բոլորին իմ հորը և նրա խաղը հիշելու համար։ Հուսով եմ, որ այստեղ կանցկացվեն պրոֆեսիոնալ հանդիպումներ, և մարզը մարզական կդառնա։ Կարծում եմ, որ այս մարզադաշռում լավ ֆուտբոլիստներ կդաստիարակվեն»,– ասաց Հենրիխ Մխիթարյանը։
Ինչպես լրագրողներին հայտնեց Սպանդարյան համայնքի ղեկավարը, 80–ական թվականներին կառուցված մարզադաշտի վերականգնման աշխատանքները սկսվել են 2017 թվականին։ Այդ նպատակներով պետբյուջեից հատկացվել է մոտ 37 մլն դրամ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում