ԵՐԵՎԱՆ, 22 դեկտեմբերի. /Նովոստի–Արմենիա/. Դորտմունդի «Բորուսիան» ամենայն լրջությամբ դիտարկում է Հենրիխ Մխիթարյանին վերադարձնելու հարցը, հայտնում է գերմանական
Kicker հեղինակավոր պարբերականը։
Ինչպես հայտնում է աղբյուրը, «Բորուսիայի» ղեկավարները դիտարկում են հայ կիսապաշտպանին որպես ուկրաինացի Անդրեյ Յարմոլենկոյի հնարավոր փոխարինում։
Միաժամանակ թիմի ղեկավարները հասկանում են, որ Մխիթարյանն ուկրաինացու անմիջական մրցակիցը չէ, սակայն հաշվի առնելով հայ կիսապաշտպանի ունիվերսալ լինելը և «Բորուսիայի» ներկայիս մարզչի երևակայությունը` կարելի է ենթադրել, որ նրա հնարավոր վերադարձը Դորտմունդ, առնվազն կսրի տեղի պայքարը թիմի հիմնական կազմում կիսապաշտպանության գոտու յուրաքանչյուր դիրքի վրա։
Սակայն Մխիթարյանի հնարավոր վերադարձի դեպքում հիմնական խնդիրը հայ կիսապաշտպանի աշխատավարձի հարցումն է։ Այն «Մանչեսթեր Յունայթեդում» տարեկան կազմում է 4.5 մլն, ինչը շոշափելի գումար է գերմանական թիմի համար։ Մինչև վերջ հասկանալի չէ, կգնան արդյոք դորտմունդցիներն այդպիսի ծախսերի Մխիթարյանի համար։
Загружается новость ... "Лево"
Մխիթարյանն արդեն եղել է «Բորուսիայի» կազմում 2013–ից 2016 թվականները` խաղալով 118 պաշտոնական խաղում և խփելով 32 գոլ։
Դեկտեմբերի 20–ին Մխիթարյանն առաջին անգամ նոյեմբերից դաշտ է դուրս է եկել «Մանչեսթեր Յունայթեդի» կազմում և խաղացել Անգլիայի լիգայի գավաթում «Բրիստոլ սիթիի» հետ խաղում։ ՄՅու–ն պարտվել է 1։2 հաշվով` խաղի 93–րդ րոպեին բաց թողնելով վճռական գոլը։
Դրանից առաջ Մխիթարյանը դաշտ է դուրս եկել նոյեմբերի 25–ին «Բրայթոնի» հետ խաղում։ Հաղորդվել է, որ այդ խաղից հետո նրա և գլխավոր մարզիչ Ժոզե Մոուրինյուի միջև կոնֆլիկտ է ծագել։
Դրանից հետո ԶԼՄ–ներում տեղեկություն է հայտնվել, որ Մխիթարյանը կարող է լքել «Օլդ Թրաֆորդը», ինչն անուղղակիորեն հաստատել է նաև Մոուրինյուն, նշելով, որ եթե Մխիթարյանի համար արժանի գին առաջարկվի, ապա նա կարող է տեղափոխվել հունվարին։ -0-
