ԵՐԵՎԱՆ, 28 դեկտեմբերի. /Նովոստի–Արմենիա/. «Մանչեսթեր Յունայթեդի» կիսապաշտպան և Հայաստանի հավաքականի ավագ Հենրիխ Մխիթարյանը ցանկանում է վերադառնալ Դորտմունդի «Բորուսիա», նշում է Bild գերմանական հրատարակությունը։
Աղբյուրի տեղեկություններով, Մխիթարյանը դժգոհ է ՄՅՈւ–ի կազմում ստեղծված իրավիճակով և ցանկանում է հեռանալ թիմից որքան հնարավոր է շուտ։
Загружается новость ... "Лево"
Միաժամանակ, գերմանական ակումբի գործադիր տնօրեն Հանս–Յոախիմ Վատցկեն նշել է, որ Մխիթարյանի վերադարձը «Բորուսիա» կարելի է պատկերացնել միայն շատ հարուստ երևեկայության դեպքում։
ՄՅՈւ–ի գլխավոր մարզիչ Ժոզե Մոուրինյուն ավելի վաղ տեղեկացրել է, որ Մխիթարյանը, հնարավոր է, հեռանա թիմից։ Նրա խոսքով, յուրաքանչյուր խաղացող ունի իր գինը։
Corriere dello Sport իտալական հրատարակությունն իր հերթին տեղեկացրել է, որ Մխիթարյանը, հնարավոր է, անցնի Միլանի «Ինտեր» վարձակալական հիմունքներով։
Նշենք, որ Մխիթարյանն այս խաղաշրջանում «Մանչեսթեր Յունայթեդի» կազմում խաղացել է 17 հանդիպումներում` խփելով երկու գոլ և կատարելով հինգ փոխանցում:–0–