Բասկետբոլի Հայաստանի հավաքականը կարևոր հաղթանակ տարավ Շվեդիայի թիմի նկատմամբ (ՖՈՏՈ, ՎԻԴԵՈ)

ԵՐԵՎԱՆ, 5 օգոստոսի. /Նովոստի-Արմենիա/. «Կա ՊԵԿ» մարզահամալիրում կայացավ բասկետբոլի Հայաստանի տղամարդկանց ազգային հավաքականի և Շվեդիայի ընտրանու հանդիպումն աշխարհի առաջնության ընտրական փուլի շրջանակում:

Ընտրական փուլի երկրորդ խաղն ավարտվեց Հայաստանի հավաքականի հաղթանակով` 82:69 (21:23, 22:19, 13:16, 26:11), հայտնում է armsport.am-ը:



Հանդիպման ամենաարդյունավետ խաղացող ճանաչվեց Ռայան Բոաթրայթը, ով վաստակեց 23 միավոր:

Օգոստոսի 9-ին Հայաստանի ընտրանին ուժերը կչափի Բոսնիայի և Հերցեգովինայի հավաքականի հետ:

Առաջին խաղում հայ բասկետբոլիստները 75:61 հաշվով առավելության էին հասել Սլովակիայի հավաքականի նկատմամբ:

Կայքի տեղեկացմամբ, այս պահին մեր ընտրանին չորս միավորով առաջին հորիզոնականում է, Շվեդիայի հավաքականը՝ երկրորդ, Բոսնիա-Հերցեգովինան երրորդ տեղում է, իսկ Սլովակիայի հավաքականը եզրափակում է մրցաշարային աղյուսակը: -0-