ԵՐԵՎԱՆ, 20 օգոստոսի. /Նովոստի-Արմենիա/. ELLE-ը որոշել է կազմել այս տարվա Օլիմպիական ամառային խաղերին մասնակցած ամենաբրուտալ ըմբիշների հնգյակը։
Լողորդներին սիրում են իրենց կատարյալ կազմվածքի համար, մարմնամարզիկներին՝ պլաստիկայի, հեծանվորդներին՝ դիմացկունության։ Իսկ ի՞նչ կարելի է ասել ըմբիշների մասին։ Նրանք պողպատե կամքով և կոշտ բնավորությամբ մարդիկ են, որոնց տեսնելիս հասկանում ես՝ այո, այս տղամարդը հաստատ կկարողանա պաշտպանել իր երկրորդ կեսին։ Եվ թեև նրան մեծամասնությունն աչքի չի ընկնում գրավիչ արտաքինով, բայց արիության և խարիզմայի առումով նրանք կարող են ծնկի բերել ամենագեղեցկադեմ ֆուտբոլիստին։
Եվ այսպես`
ԱՐԹՈՒՐ ԱԼԵՔՍԱՆՅԱՆ
ELLE-ի կազմած ցուցակում է ընդգրկվել Հայաստանի օլիմպիական թիմի անդամ, ըմբիշ, օլիմպիական չեմպիոն Արթուր Ալեքսանյանը։ Ի դեպ, սա 24-ամյա մարզիկի առաջին Օլիմպիադան չէ՝ նրա փառահեղ դեբյուտը կայացել է դեռևս Լոնդոնի նախորդ խաղերում, բայց այն ժամանակ Արթուրը միայն բրոնզ նվաճեց։ «Արժե, արդյո՞ք, ասել, որ չեմպիոնի ներկայիս կարգավիճակը հնարավորություն է տվել նրան դառնալ իր երկրի առաջին ներկայացուցիչը 21-րդ դարում, ով օլիմպիական ոսկի է նվաճել»,- գրում է պարբերականը։
ՌՈՄԱՆ ՎԼԱՍՈՎ
Ռոման Վլասովը Նովոսիբիրսկից է, և արդեն 25 տարեկանում կրկնակի օլիմպիական չեմպիոն։ Ինչպես նշել է ըմբիշի մարզիչը, «Ռոման ամուր բնավորության և աներևակայելի զսպվածության տեր է, ինչը նրան մեծ առավելություններ է տալիս հակառակորդի նկատմամբ»։ Պետք է նշել, որ այդ որակները նրան պետք են եկել նաև առօրյայում՝ Վլասովը նաև իրավաբանի դիպլոմ ունի։
ԴԱՎԻԹ ՃԱԿՎԵԹԱՁԵ
Այս տարի հունահռոմեական ոճի 23-ամյա ռուս ըմբիշ Դավիթ Ճակվեթաձեն նվաճեց իր առաջին օլիմպիական մեդալը մինչև 85 կգ քաշային կարգում։ Բայց, դատելով նրանից, որ վերջին մի քանի տարիներին մարզիկը չի պարտվել ոչ մի խոշոր մրցաշարում, կարելի է փաստել, որ նրա ներուժն անսահմանափակ է։
ԴԵՆԻՍ ԿՈՒԴԼԱ
Շատ ռուսական անունով գերմանացի ըմբիշ Դենիսն այս օլիմպիադայում մինչև 85 կգ քաշային կարգում բրոնզ նվաճեց։ Բայց նա դարձավ հունահռոմեական ըմբշամարտի երկրպագու աղջիկների բացարձակ ֆավորիտը։
ՔԱՅԼ ՍՆԱՅԴԵՐ
Ազատ ոճի ամերիկացի ըմբիշին շատերը մարզական վունդերքինդ են անվանում։ 19 տարեկանում նա դարձել է ԱՄՆ պատմության մեջ աշխարհի ամենաերիտասարդ չեմպիոնը, ով ունի մինչև 97 կգ քաշային կարգում ոսկի նվաճելու բոլոր հնարավորությունները։ -0-