ԵՐԵՎԱՆ, 11 հունիսի./Նովոստի–Արմենիա/. Հունիսի 18-ին` ժամը 11:30-16:00, ՀՖՖ տեխնիկական կենտրոնի՝ Ֆուտբոլի ակադեմիայի ֆուտզալի դահլիճում դասախոսությամբ հանդես կգա աշխարհահռչակ մարզիչ Վիսենտե դել Բոսկեն, հաղորդում է ՀՖՖ մամուլի ծառայությունը:
Загружается новость ... "Лево"
Նրան կօգնեն իր օգնական Տոնի Գրանդեն և Հայաստանի ազգային հավաքականի ֆիզպատրաստության մարզիչ Խավիեր Մինյանոն: Դասախոսությանը մասնակցելու համար ՀՖՖ–ն հրավիրում է բոլոր տարիքային թիմերի մարզիչներին:
Ցանկացողները կարող են հաստատել իրենց մասնակցությունը մինչև ս.թ. հունիսի 14-ը, ժամը 18:00-ը, համապատասխան հաստատումն ուղարկելով vikagevorgyan@gmail.com հասցեով կամ զանգահարելով ՀՖՖ տեխնիկական տնօրինություն՝ 060 371888 հեռախոսահամարով
ՀՖՖ–ից նշում են նաև, որ մասնակիցները պետք է ներկայանան դասախոսության մեկնարկից կես ժամ առաջ տեղում գրանցվելու համար:
«Խնդրում ենք ներկայանալ պաշտոնական հագուստով», – նշվում է ՀՖՖ հաղորդագրության մեջ:–0–
