ԵՐԵՎԱՆ, 5 հուլիսի./Նովոստի–Արմենիա/. Կոլումբիայի հավաքականի ֆուտբոլիստներ Մատեուս Ուրիբեն և Կառլոս Բակկան սպանության սպառնալիքներ են ստացել սոցցանցի օգտատերերից այն բանից հետո, երբ Կոլումբիայի հավաքականը դուրս է մնացել Ֆուտբոլի աշխարհի առաջնության պայքարից։ Գրառումները հրապարակվել են Twitter–ում, գրում է lenta.ru–ն։
Загружается новость ... "Лево"
Կոլումբիացիները խորհուրդ չեն տալիս ֆուտբոլիստներին վերադառնալ հայրենիք` սպառնալով, որ հաշվեհարդար կտեսնեն չիրականացված տուգանային հարվածի համար խաղի հիմնական ժամանակից հետո կազմակերպված 11–մետրանոցների ժամանակ։
Հուլիսի 3–ին Անգլիայի հավաքականը հաղթեց Կոլումբիային աշխարհի առաջնության 1/8 եզրափակչում։ Հիմնական և ավելացված ժամանակում խաղի հաշիվը հավասար էր` 1։1, 11–մետրանոց հարվածաշարում անգլիացիներն ավելի ուժեղ գտնվեցին` 4։3։ Նրանք դուրս եկան առաջնության ¼ եզրափակիչ, որտեղ հուլիսի 7–ին ուժերը կչափեն շվեդերի հետ։
Հուլիսի 2–ին լրացավ Կոլումբիայի հավաքականի նախկին պաշտպան Անդրես Էսկոբարի մահվան 24–րդ տարելիցը։ Նա գնդակահարվել էր 1994 թ.–ին, երբ վերադարձել էր հայրենիք ԱՄՆ–ում անցկացված աշխարհի առաջնությունից հետո։ Ամերիկացիների հետ խաղում Էսկոբարի խփած ինքնագոլը թույլ չտվեց կոլումբիացիներին դուրս գալ խմբից։–0–
