ԵՐԵՎԱՆ, 21 օգոստոսի. /Նովոստի–Արմենիա/. Օլիմպիադայի արծաթե մեդալակիր, հունահռոմեական ոճի ըմբիշ Միհրան Հարությունյանը, ով զրկվեց օլիմպիական «ոսկուց» կանխակալ մրցավարության պատճառով, հայտարարել է, որ Օլիմպիադայում կողոպտել են ոչ թե իրեն, այլ ողջ երկիրը։
Հայ ըմբիշը զրկվել է զրկվեց օլիմպիական «ոսկուց» կանխակալ մրցավարության պատճառով, ինչի հետևանքով եզրափակչում հաղթանակը շնորհվեց նրա մրցակցին` սերբ Դավոր Շտեֆանեկին։
«Ոչ թե ինձ, այլ մեզ կողոպտեցին՝ իմ երկրին, իմ ժողովրդին, բոլոր այն մարդկանց, ովքեր սիրում են սպորտը», – ասել է Հարությունյանը Հանրային հեռուստընկերությանը տված հարցազրույցում։
Նրա խոսքով` իր ընկերների երեխաները հարցնում են` ինչու զբաղվել սպորտով, եթե այսպես են վերաբերվում մեծ սպորտում:
Հարությունյանն ընդգծել է, որ նրան փրկում է միայն ժողովրդի աջակցությունը։
«Հիմա ես մեծ ցավ եմ ապրում: Ինձ փրկում է միայն այն միտքը, որ իմ ժողովուրդն ինձ հետ է: Ինձ գրում ու քաջալերում են աշխարհի չորս կողմերից», – նշել է Հարությունյանը։
Նա ավելացրել է, որ գոտեմարտից ու պատվո հարթակին կանգնելուց հետո զգում էր, որ այլևս չի ցանկանում որևէ կապ ունենալ սպորտի հետ:
«Չեմ ցականում այլևս տեսնել 55-ամյա հորս արցունքները, մորս, եղբորս, քույրերիս ապրումները», – նշել է մարզիկը։
Հարությունյանն ավելացրել է, որ հիմա պետք է հանգստանա, բուժի ձեռքի վնասվածքը և որոշ ժամանակ անց վերջնական կհասկանա, թե ինչ պետք է անի հետո։
«Եթե սպորտով այլևս չզբաղվեմ, կգտնեմ ինձ համար ինչ-որ մի բան», – նշել է Հարությունյանը։–0–