ԵՐԵՎԱՆ, 12 սեպտեմբերի. /Նովոստի–Արմենիա/. Սեպտեմբերի 2-ից 11-ը Բուդապեշտում ընթացավ Բազկամարտի մեծահասակների և երիտասարդների աշխարհի 39-րդ առաջնությունը, որին մասնակցեց 55 երկրի շուրջ 1200 մարզիկ, հաղորդում է ՀԱՕԿ մամուլի ծառայությունը։
Загружается новость ... "Лево"
ՀԱՕԿ լրատվականի հետ զրույցում Հայաստանի բազկամարտի ֆեդերացիայի նախագահ Արսեն Գաբրիելյանը տեղեկացրել է, որ հայ մարզիկները տարբեր հարգի երեք մեդալ են նվաճել։
Մինչև 20 տարեկանների պայքարում Դավիթ Մադոյանը (+90 կգ) դարձել է հաղթող (աջ ձեռք) և բրոնզե մեդալակիր (ձախ ձեռք):
Մեծահասակների առաջնությունում Էմիլ Ամիրշադյանը (70 կգ) նվաճել է արծաթե մեդալ (աջ ձեռք):
Նշենք, որ Հունգարիայի մայրաքաղաքում Հայաստանը ներկայացված էր 11 մարզիկով:–0–