Արոնյանը փայլուն հաղթանակ տարավ Նիդեռլանդներում անցկացվող Tata Steel Chess մրցաշարի 8–րդ տուրում

ԵՐԵՎԱՆ, 22 հունվարի. /Նովոստի–Արմենիա/. Հայ գրոսմայստեր Լևոն Արոնյանը Վեյկ ան Զեեում անցկացվող Tata Steel Chess շախմատային փառատոնի 8–րդ տուրում փայլուն հաղթանակ տարավ` պարտության մատնելով հոլանդացի Անիշ Գիրիին, հաղորդում է մրցաշարի կայքը։

Tata Steel Chess–ի ֆավորիտներից մեկը` աշխարհի գործող չեմպիոն Մագնուս Կառլսնեռը, կրեց առաջին պարտությունը մրցաշարում, նրա նկատմամբ առավելության հասավ հունգարացի Ռիխարդ Ռապորտը։

Հնդիկ Բաշկարան Ադխիբան պարտության մատնեց ռուս Դմիտրի Անդրեյկինին։

Ոչ–ոքի արդյունքով ավարտվեցին Լյուն Վան Վելի (Նիդեռլանդներ) – Յան Նեպոմնյաշչի (ՌԴ), Պենտալ Խարիկրիշնա (Հնդկաստան) – Վեյ Ի (Չինաստան), Պավել Էլյանով (Ուկրաինա) – Ռադոսլավ Վոյտաշեկ (Լեհաստան) և Սերգեյ Կարյակին (ՌԴ) – Ուեսլի Սո (ԱՄՆ) հանդիպումները։

Ութ տուրից հետո Արոնյանը, Կառլսենը, Կարյակինն ու Ադիխբան 4,5–ական միավորով կիսում են 4–7–րդ տեղերը։ Առաջատարի դիրքում է Սոն (5,5 միավոր), նվազագույն տարբերությամբ նրան են հետևում Էլյանովն ու Վեյ Ին։

Խարիկրիշնան ու Գիրին վաստակել են 4–ական միավոր, 0,5 միավոր պակաս են վաստակել Անդրեյկինն ու Վոյտաշեկը։ 3–ական միավոր են վաստակել Ռապորտն ու Նեպոմնյաշչին, 1,5 միավորով մրցաշարային աղյուսակը եզրափակում է վան Վելին։

Tata Steel Chess մրցաշարն անցկացվում է Վեյ ան Զեեում հունվարի 13–29–ը։–0–