ԵՐԵՎԱՆ, 27 հունիսի. /Նովոստի–Արմենիա/. Բռնցքամարտի Եվրոպայի առաջնության չեմպիոն Հովհաննես Բաչկովը հայտարարել է, որ իր հաջորդ նպատակը աշխարհի առաջնության չեմպիոն դառնալն է։
Աշխարհի առաջնությունը կանցկացվի օգոստոսի 25–ից սեպտեմբերի 3–ը։
Загружается новость ...
"Право"
Հայաստանի հավաքականի անդամ Հովհաննես Բաչկովը նվաճել է Խարկովում հունիսի 14–24–ը կայացած Եվրոպայի առաջնության չեմպիոնի տիտղոսը` հաղթելով անգլիացի Լյուկ Մակորմեկին։ Բաչկովի նվաճած «ոսկին» Հայաստանի միակ մեդալն է Եվրոպայի առաջնությունում։
«Եվրոպայի առաջնությունից հետո մտածել եմ պրոֆեսիոնալ ռինգ տեղափոխվելու մասին, սակայն հիմա իմ առջև այլ խնդիր է», – նշեց նա։
Բաչկովի խոսքով, այս անգամ նրան հաջողվեց հաղթել հիանալի ֆիզիկական մարզավիճակի շնորհիվ։
«Նախորդ փորձերի ժամանակ եղան հաղթանակին խանգարող գործոններ, հնարավոր է` վատ ֆիզիկական մարզավիճակը, մրցավարների անարդար որոշումները։ Այս անգամ մրցավարներն արդար գտնվեցին, իսկ ես բարձունքի վրա էի», – ասաց բռնցքամարտիկը։
Մարզիկը շնորհակալություն հայտնեց բոլորին, ովքեր նրան աջակցել են։
«Հատուկ շնորհակալություն եմ հայտնում Խարկովի հայկական համայնքին, շատ հաճելի էր լսել նրանց ձայները դահլիճում», – ասաց նա։–0–