ԵՐԵՎԱՆ, 3 հուլիսի. /Նովոստի-Արմենիա/. Երեկ՝ հուլիսի 2-ին, Բուլղարիայում՝ Վարնայում, կայացավ Կիոկուշին կարատեի «Աշխարհի Գավաթ»-ը:
Գավաթին մասնակցել է նաև շիհան Անդրանիկ Հակոբյանի ղեկավարած Հայաստանի Կիոկուշին կարատեի ֆեդերացիան՝ գրանցելով հետևյալ հաջողությունները. 1-ին տեղ`Համլետ Թարվերդյան, 2-րդ տեղ`Վահագն Հակոբյան և Դավիթ Կարապետյան, 3-րդ տեղ` Լիլիաննա Կարապետյան և Անժելա Զալինյան:
Վահագն Հակոբյանն արժանացավ ևս մեկ մրցանակի՝ տղաների մեջ գրանցած «Լավագույն տեխնիկայի» համար:
Աղջիկների մեջ «Լավագույն տեխնիկայի» համար նախատեսված մրցանակին արժանացավ Լիլիաննա Կարապետյանը:-0-
