Արդեն պաշտոնապես. Հենրիխ Մխիթարյանը տեղափոխվեց «Արսենալ» (ՎԻԴԵՈ)
23:29
22 Հունվարի 2018
ԵՐԵՎԱՆ, 22 հունվարի./Նովոստի Արմենիա/. Հայաստանի հավաքականի ավագ Հենրիխ Մխիթարյանը երկարաժամկետ պայմանագիր է ստորագրել «Արսենալի» հետ, հաղորդվում է «Արսենալի» պաշտոնական կայքում։
Загружается новость ... "Лево"
Հաղորդագրության մեջ նշվում է նաև, որ համաձայն գործարքի, Ալեքսիս Սանչեսը կանցնի «Մանչեսթեր Յունայթեդ»:
«Շատ երջանիկ եմ, որ մենք կարողացանք ավարտի հասցնել այս գործարքը: Երջանիկ եմ նաև, որ այստեղ եմ: Երազանքս իրականություն դարձավ, քանի որ միշտ երազել եմ խաղալ «Արսենալում»: Հիմա ես այստեղ եմ և կանեմ առավելագույնն այս ակումբի համար», - ասել է Մխիթարյանը:
«Արսենալի» գլխավոր մարզիչ Արսեն Վենգերն իր հերթին նշել է, որ Հենրիխը կատարյալ խաղացող է:
«Նա հնարավորություններ է ստեղծում, լավ պաշտպանվում է: Կարող եմ ասել, որ նա խաղացող է, ով ունի անհրաժեշտ բոլոր որակները», - նշել է Վենգերը:
Նշվում է, որ գործարքը դեռ պետք է համապատասխան ընթացակարգ անցնի: Շուտով կհաստատվի նաև այն համարը, որի ներքո հանդես կգա Մխիթարյանն «Արսենալում»։-0-