Զլատան Իբրահիմովիչը խոսել է Հենրիխ Մխիթարյանի գոլի մասին

ԵՐԵՎԱՆ, 9 դեկտեմբերի. /Նովոստի–Արմենիա/. Անգլիական «Մանչեսթեր Յունայթեդի» հարձակվող Զլատան Իբրահիմովիչը խոսել է Եվրոպա լիգայի խմբային փուլի վերջին տուրի` «Զարյայի» դեմ խաղում (2:0) Հենրիխ Մխիթարյանի գոլի և գործողությունների մասին։

Հայ ֆուտբոլիստը «Զարյայի» դեմ խաղում դարձել էր «Մանչեսթեր Յունայթեդի» առաջին գոլի հեղինակ: Ուկրաինական թիմի դարպասն ուղարկած գոլը առաջինն էր Մխիթարյանի համար «Մանչեսթեր Յունայթեդում», գրում է armsport–ը։

Հենրիխ Մխիթարյանը ճանաչվել է «Զարյայի» հետ խաղի լավագույն ֆուտբոլիստը>>

«Առաջին գոլը հրաշալի էր: Նա արագությամբ անցավ, վերահսկեց իրավիճակը և հաշվարկեց ժամանակը` մրցակցի ոտքերի միջով գնդակը գեղեցիկ կերպով անցկացնելու համար: Նա սպանեց խաղը այդ գոլով: Մխիթարյանը հիանալի աշխատանք կատարեց: Նա շատ լավ է խաղում վերջին խաղերում, և ես շատ ուրախ եմ նրա համար: Նա բարձրակարգ ֆուտբոլիստ է, և ես հույս ունեմ և գիտեմ, որ նա այդպես կշարունակի: Շատ ուրախ եմ նրա համար», - Իբրահիմովիչի խոսքը փոխանցել «Manchester Evening News»-ը:–0–