ԵՐԵՎԱՆ, 26 մարտի. /Նովոստի–Արմենիա/. Հայ հարձակվող Յուրա Մովսիսյանն ազատ գործակալի հիմունքներով տեղափոխվել է «Յուրգորդեն» շվեդական ակումբ, նշվում է ակումբի պաշտոնական էջում։
«Ռեալ Սոլթ–Լեյք» ամերիկյան ակումբի հետ Մովսիսյանի պայմանագիրը խզվել է մարտի 3–ին, ինչից հետո նա դարձել է ազատ գործակալ։
Загружается новость ... "Лево"
«Շատ ուրախ ենք և հպարտ, որ Յուրան «Ռեալ Սոլթ–Լեյքից» տեղափոխվում է մեզ մոտ, և մենք հնարավորություն ունենք երկարացնել նրա պայմանագիրը մինչև 2018 թ.–ի վերջ, եթե համագործակցությունը հաջող լինի։ Մեզ համար դա շատ ձեռնտու է, խոսքը որակյալ հարձակվողի մասին է, ով մեզ շատ է տպավորել», – ասել է ակումբի նախագահ Բո Անդերսոնը։
Ինչպես հաղորդում է ակումբը, պայմանագիրը նախատեսված է վեց ամսով` երկարաձգման հնարավորությամբ։
«Երջանիկ եմ հայտնել, որ տեղափոխվում եմ «Յուրգորդեն»։ Շվեդիայում հռչակավոր ակումբի կազմում խաղալու հիանալի հնարավորություն ունեմ։ Անհամբեր սպասում եմ իր ճանապարհորդությանը», – գրել է Մովսիսյանը Facebook–յան իր էջում։
Մովսիսյանը 2011–2012 թթ.–ին հանդես է եկել «Կրասնոդարի» կազմում, որտեղից տեղափոխվել է «Սպարտակ»։ 2016 թ.–ին վերադարձել է «Ռեալ Սոլթ–Լեյք», որի կազմում հանդես է եկել ավելի վաղ։–0–