«Փյունիկի» սեփականատերը 15 մլն դոլար կներդնի Երևաում նոր մարզադաշտ կառուցելու համար

ԵՐԵՎԱՆ, 21 դեկտեբերի. /Նովոստի-Արմենիա/. Ռուսասանաբնակ հայ գործարար, «Փյունիկ» ֆուտբոլային ակումբի սեփականատեր Արթուր Սողոմոնյանը մտադիր է իր ակումբի համար մարզադաշտ, ինչպես նաև սպորտային բազա կառուցել:

«Մենք հիմա շատ հեռու ենք բոլոր չափանիշներով, այնպես որ սա ոչ միայն նախագիծ է, այլ շատ լուրջ անհրաժեշտություն: Բնականաբար, որպես գործարար ես ամեն ինչ ծրագրավորում եմ: Լիարժեք բազա և մարզադաշտ կառուցելու համար անհրաժեշտ է 10 մլն դոլարից ոչ պակաս գումար», - հայտարարեց Սողոմոնյանը` պատասխանելով «Նովոստի-Արմենիա» գործակալության հարցին:

Ըստ նրա, մոտակա երեք տարիների ընթացքում նախատեսվում է հասցնել ներդրումների ընդհանուր ծավալը մինչև 15 մլն դոլար` ակումբի ամբողջ ենթակառուցվածքի զարգացման նպատակով:

«Հենց որոշվեն որոշ տեխնիկական հարցերը` կապված հողի հետ, մենք անմիջապես կսկսենք նախագծումը և ընդամենը մի քանի ամիս հետո կանցնենք կառուցմանը, քանի որ մեզ կատաստրոֆիկ չեն հերիքում առկա մարզադաշտերը», - ասաց Սողոմոնյանը:

Նրա խոսքով, «Փյունիքի» բազայի հիման վրա հիմա չկա լիարժեք մարզադաշտ, բացի մեկից` արհեստական խոտով: Սողոմոնյանը պատմեց, որ նոր մարզադաշտը կլինի ժամանակակից, բայց ոչ շատ մեծ:

«Մարզադաշտը նախատեսված կլինի 4-5 հազար հադիսատեսի համար: Այդքան էլ ճիշտ չէ մեծ մարզադաշտ կառուցել, քանի որ ավելի հաճելի է խաղալ լեփ լեցուն տրիբունաների ներքո: Այս մարզադաշտը նոր տուն կդառնա ակուբի համար», - ասաց նա:-0-