ԵՐԵՎԱՆ, 9 դեկտեմբերի. /Նովոստի–Արմենիա/. Եվրոպա լիգայի խմբային փուլի վերջին՝ 6-րդ տուրում անգլիական «Մանչեսթեր Յունայթեդը» հյուրընկալվեց Լուգանսկի «Զարյային» և հաղթեց 2:0 հաշվով:
Մխիթարյանը դարձավ իր առաջին գոլի հեղինակը «ՄՅու»-ի կազմում>>
Խաղից հետո «կարմիր սատանաների» գլխավոր մարզիչ Ժոզե Մոուրինյուն պատասխանել է լրագրողների հարցերին, հաղորդում է armsport–ը։
Զլատան Իբրահիմովիչը խոսել է Հենրիխ Մխիթարյանի գոլի մասին>>
«Մխիթարյանն ամուր մտածելակերպ ունի: Նա իր բարդ ադապտացիայում պայքարեց և արեց դա շատ լավ: Մխիթարյանն աշխատել է ֆիզիկական և մարտավարական որակների վրա: Մենք տեղյակ էինք իր տաղանդի մասին, այդ իսկ պատճառով էլ գնեցինք նրա տրանսֆերը: Նա պայքարեց և հիմա լավ է խաղում թե՛ Անգլիայի Պրեմիեր լիգայում, թե՛ Եվրոպա լիգայում և թե՛ Անգլիայի Գավաթում»,- Մոուրինյուի խոսքը մեջբերում է Mirror-ը:
Հիշեցնենք նաև, որ Հենրիխ Մխիթարյանը ճանաչվել է «Զարյայի» հետ խաղի լավագույն ֆուտբոլիստը։–0–