Մաքսիմ Մանուկյանը պարտվեց մեկնարկային գոտեմարտում Ռիոյի Օլիմպիադայի շրջանակում

ԵՐԵՎԱՆ, 15 օգոստոսի. /Նովոստի-Արմենիա/. Հունահռոմեական ոճի ըմբիշ, 85 կգ քաշային Մաքսիմ Մանուկյանը պարտություն կրեց Ռիոյի Օլիմպիադայի առաջին գոտեմարտում։

Ըմբիշն իր առաջին գոտեմարտում 0։3 հաշվով պարտվեց հունգարացի Վիկտոր Լորինցին:

Լորինցի եզրափակիչ հասնելու դեպքում Մանուկյանը հնարավորություն կունենա պայքարելու մեդալի համար:

Բացի այդ, աթլետներ Դիանա Խուբեսերյանը և Գայանե Չիլոյանը 200 մետր վազք մարզաձևում չկարողացան հաղթահարել որակավորման փուլը և դուրս մնացին հետագա պայքարից:

Տղամարդկանց եռացատկում հանդես եկող Լևոն Աղասյանը նույնպես չհաղթահարեց որակավորման փուլը:

Օգոստոսի 16–ին Երևանի ժամանակով ժամը 01։00–ին բռնցքամարտիկ Նարեկ Աբգարյանը կմրցի չինացի Հու Ջիանգուանի հետ:

Իսկ Բրազիլիայի ժամանակով ժամը 19:00-ին 105 կգ քաշային ծանրորդ Սիմոն Մարտիրոսյանը կպայքարի մեդալի համար:

Տեղական ժամանակով ժամը 21:45-ին էլ որակավորման փուլից պայքարը կսկսի արգելավազորդ Լիլիթ Հարությունյանը: -0-