ԵՐԵՎԱՆ, 7 հունվարի. /Նովոստի–Արմենիա/. «Մանչեսթեր Յունայթեդի» գլխավոր մարզիչ Ժոզե Մոուրինյուն մեկնաբանել է Մխիթարյանի փոխարինումն ու նշել է, որ ներողություն է խնդրել նրանից հանդիպումից հետո կայացած ասուլիսի ժամանակ։
ՄՅՈւ–ն հունվարի 5–ին 2։0 հաշվով հաղթել է «Դերբի Քաունթին» Անգլիայի գավաթի 1/32 եզրափակչի շրջանակում։ «Կարմիր սատանաների» կիսապաշտպան և Հայաստանի հավաքականի ավագ Հենրիխ Մխիթարյանը խաղացել է առաջին խաղակեսում, սակայն փոխարինվել է ընդմիջումից հետո։
Загружается новость ... "Лево"
«Անարդար է, անարդար։ Եվ ես ասացի նրան այդ մասին ընդմիջման ժամանակ։ Ինձ դուր չեկավ այն, ինչ արեցի։ Անարդար է։ Նա արժանի չէր։ Նա լավ էր խաղում։ Ուներ մի քանի բացթողումներ, սակայն լավ էր խաղում և թիմին լավ դինամիկա էր հաղորդում», – ասել է Մոուրինյուն։
Նա զգացել էր, որ Ռեշֆորդը չի պատրաստվում գոլ խփել, և ես չէի ուզում ժամանակ կորցնել։
«Ես գործի դրեցի Լուկակուին, ինչի պատճառով ստիպված էի խաղացող զոհաբերել։ Միկին այն ֆուտբոլիստն էր, որին ես զոհաբերեցի։ Սակայն սա այն քայլն էր, որը ես սովորաբար չեմ անում։ Բայց ընդմիջման ժամանակ ես բոլորի ներկայությամբ ներողություն խնդրեցի Միկիից, քանի որ նա դրան արժանի չէ», – նշել է Մոուրինյուն։–0–