Հենրիխ Մխիթարյանը մեկնաբանել է «Ռոստովի» հետ հանդիպման արդյունքը

ԵՐԵՎԱՆ, 10 մարտի. /Նովոստի-Արմենիա/. Անգլիական «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը մեկնաբանել է «Ռոստովի» հետ Եվրոպա լիգայի 1/8 եզրափակչի առաջին խաղը, որն ավարտվեց 1:1 հաշվով, հայտնում է armsport.am կայքը` հղում անելով Sports.ru-ին: 

«Փորձում էինք հաղթել այս խաղում: Այնքան լավ էինք խաղում, որքան հնարավոր էր նման դաշտում: Չեմ ցանկանում խոսել խոտածածկի մասին, քանի որ այն սարսափելի էր երկու թիմերի համար էլ: Հանդիսատեսների համար հանդիպումն այնքան էլ հետաքրքիր չէ», - ասել է Մխիթարյանը:

Ֆուբոլիստի խոսքով, եթե թիմը հաղթում է նվազագույն հաշվով, ապա պետք է պատրաստ լինել ամեն ինչի: 

«Մանչեսթեր Յունայթեդը» ոչ–ոքի խաղաց «Ռոստովի» հետ Մխիթարյանի գոլի շնորհիվ>>

«Բաց թողեցինք գնդակ մեր սխալի պատճառով, սակայն առջևում դեռ պատասխան խաղ կա»,- նշել է Մխիթարյանը: -0-