ԵՐԵՎԱՆ, 4 դեկտեմբերի. /Նովոստի-Արմենիա/. Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը նկարահանվել է ակումբի հատուկ ուղերձում, որը նվիրված է դեկտեմբերի 3-ին նշվող Հաշմանդամների միջազգային օրվան, տեղեկանում ենք ակումբի Facebook-ի էջից: Տեսաուղերձի վերաբերյալ հրապարակման մեջ գրված է՝ «Մանչեսթերի» յուրաքանչյուր խաղացողից Հաշմանդամների միջազգային օրվա կապակցությամբ:
Ինչպես նշվում է անգլիական ֆուտբոլային ակումբի պաշտոնակայն կայքում, սպորտն ու մշակույթն այն ոլորտներն են, որոնք հնարավորություն են ընձեռում հաշմանդամություն ունեցող մարդկանց հաջողությամբ ինտեգրվել հասարակությանը:
ՄԱԿ-ի գլխավոր ասամբլեան 1992 թվականին №47/3 բանաձևով դեկտեմբերի 3-ը հռչակել է Հաշմանդամների միջազգային օր (International Day of Persons with Disabilities)՝ հաշմանդամություն ունեցող մարդկանց վերաբերող հարցերը հասարակության մեջ հնչեցնելու և դրանց մասին իրազեկությունը բարձրացնելու նպատակով:
Աշխարհում ապրում է ավելի քան մեկ միլիարդ հաշմանդամ, և նրանք բոլորը բախվում են ֆիզիկական, սոցիալ-տնտեսական և վարքագծային պատնեշների հետ, որոնք բացառում են նրանց լիարժեք, արդյունավետ և իրավահավասար մասնակցությունը հասարակական կյանքին:
Հաշմանդամների իրավունքների համար պայքարի միջազգային օրը նշվում է ամեն տարի մայիսի 5-ին: -0-