Հենրիխ Մխիթարյանը չի մեկնի Բաքու` մասնակցելու «Ղարաբաղի» հետ հանդիպմանը. հայտնի են պատճառները

ԵՐԵՎԱՆ, 1 հոկտեմբերի. /Նովոստի–Արմենիա/. Հայաստանի ֆուտբոլի հավաքականի ավագ և Լոնդոնի «Արսենալի» կիսապաշտպան Հենրիխ Մխիթարյանը որոշել է չմեկնել Բաքու` Եվրոպա լիգայի խմբային փուլի շրջանակում «Ղարաբաղի» հետ արտագնա հանդիպմանը մասնակցելու նպատակով։

Այս մասին Twitter–ի իր միկրոբլոգում հայտնել է ESPN–ի թղթակից Մաթիաս Քարենը։

ԶԼՄ–ներն ավելի վաղ հայտնել էին, որ ՈւԵՖԱ–ն միջոցներ կձեռնարկի, որպեսզի Հենրիխ Մխիթարյանը կարողանա խաղալ Բաքվում, սակայն դատելով վերջին տվյալներից` ՈւԵՖԱ–ն չի կարողացել հասնել իր նպատակին։

Եվրոպա լիգայի խմբային փուլի շրջանակում նախատեսված «Ղարաբաղ» – «Արսենալ» հանդիպումը կկայանա հոկտեմբերի 4–ին «Baku Olympic Stadium» մարզադաշտում։ Խաղը կմեկնարկի Երևանի ժամանակով ժամը 20։55–ին։–0–