Հենրիխ Մխիթարյան. Հայաստանի հավաքականին ծանր փորձություն է սպասվում Ազգերի լիգայում

13:33

22 Մարտի 2018

ԵՐԵՎԱՆ, 22 մարտի. /Նովոստի–Արմենիա/. Հայաստանի ֆուտբոլի հավաքականի ավագ Հենրիխ Մխիթարյանը հայտարարել է, որ Ազգերի լիգայում Հայաստանին ծանր փորձություն է սպասվում։

«Կարծում եմ` Ազգերի լիգայում մեզ շատ դժվարություններ են սպասվում։ Թող ոչ մեկին չթվա, թե մենք հայտնվել ենք շատ թեթև խմբում` շատ պարզ մրցակիցներով։ Ժամանակակից ֆուտբոլում չկան ուժեղ և թույլ մրցակիցներ, մեզ լուրջ փորձություն է սպասվում։ Բայց մենք պետք է անենք ամեն ինչ, որպեսզի պատվով կատարենք խնդիրն ու հաղթենք ամեն խաղում», – լրագրողներին հայտարարեց Մխիթարյանը Հայաստանի լավագույն ֆուտբոլիստի մրցանակի հանձնման արարողությունից հետո։

Загружается новость ... "Лево"

Խոսելով Էստոնիայի և Լիտվայի հավաքականների հետ նախատեսված հանդիպումների մասին` Մխիթարյանը նշեց, որ հավաքականում տրամադրվածությունը միշտ եղել է ամենաբարձր մակարդակի վրա։

Հայաստան–Էստոնիա ընկերական հանդիպումը տեղի կունենա Հանրապետական մարզադաշտում մարտի 24–ին ժամը 18։00–ին, Հայաստան –Լիտվա ընկերական հանդիպումը նույնպես տեղի կունենա Հանրապետական մարզադաշտում մարտի 27–ին ժամը 19։00–ին։

«Կաշխատենք հաղթել երկու հանդիպումներում, չնայած որ սպասվում են ֆուտբոլիստների փոփոխություններ մարզչի կողմից։ Սակայն դա ոչ մի կերպ չպետք է ազդի հաղթելու մեր ձգտման վրա», – ասաց Մխիթարյանը։

Նրա խոսքով, հայկական հավաքականը պետք է առավելագույնն անի այս ընկերական հանդիպումներում, ինչպես նաև մայիսի վերջին կայանալիք խաղերում, որպեսզի ինչպես հարկն է պատրաստվի Ազգերի լիգայի ցիկլին։

Հայաստանի հավաքականը հայտնվել է Ազգերի լիգայի D դիվիզիոնի 4–րդ խմբում, որի շրջանակում ուժերը կչափի Մակեդոնիայի, Լիխտենշտեյնի և Ջիբրալթարի հավաքականների հետ։ Խմբային փուլը կանցկացվի 2018 թ.–ի աշնանը։ Չորս դիվիզիոններից յուրաքանչյուրի հաղթողը կստանա Եվրոպայի 2020 թ.–ի առաջնության եզրափակիչ փուլի ուղեգիր։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հենրիխ Մխիթարյան #Հայաստանի հավաքական #Ազգերի լիգա #փորձություն

Թեմատիկ նյութեր