ԵՐԵՎԱՆ, 20 մարտի. /Նովոստի-Արմենիա/. Հայաստանի հավաքականները չեն մասնակցի հունիսի 16-ից 28-ը Խանտի-Մանսիյսկում կայանալիք շախմատի աշխարհի տղամարդկանց և կանանց թիմային առաջնություններին:
Ինչպես հայտնում է ՀԱՕԿ լրատվության բաժինը, հղում անելով Հայաստանի շախմատի ֆեդերացիայի նախագահի տեղակալ Աշոտ Վարդապետյանին, Հայաստանի թե տղամարդկանց, թե կանանց հավաքականները այդ իրավունքը չեն նվաճել:
«Աշխարհի թիմային առաջնությանը մասնակցում են 10-ական թիմեր. մայրցամաքների չեմպիոնները, Բաքվում կայացած համաշխարհային օլիմպիադայից երեք թիմ, կազմակերպիչ երկիրը, նախորդ առաջնության չեմպիոնը և մեկ թիմ էլ՝ ՖԻԴԵ-ի նախագահի ընտրությամբ», - ասել է Վարդապետյանը:
Նրա խոսքով, մեր հավաքականներն այս չափորոշիչների մեջ չեն տեղավորվել: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում