478.3
+0.07
574.1
-0.3
8.31
+0.05
+27
Եղանակը Երևանում
Հայ
Բլատերը պատմել է գաղտնի գործարքի մասին` կապված աշխարհի առաջնության հյուրընկալ երկրի ընտրության հետ
20:15
30 Հոկտեմբերի 2015

ԵՐԵՎԱՆ, 30 հոկտեմբերի. /Նովոստի–Արմենիա/. Ռուսաստանը ֆուտբոլի 2018 թ.–ի աշխարհի առաջնության անցկացման իրավունքը ստացել է գաղտնի գործարքի արդյունքում, որը կնքվել է ՖԻՖԱ–ի բարձրագույն ղեկավարների միջև։ Այն նախատեսում էր ընտրությունների արդյունքների կեղծում։ Այս մասին The Financial Times–ին տված հարցազրույցում ասել է  ՖԻՖԱ–ի նախագահ Յոզեֆ Բլատերը, որին հեռացրել են ֆուտբոլի ոլորտում իրականացվող աշխատանքից։ աշխատանքից։

«Բանավոր կերպով համաձայնեցված որոշումը նախատեսում էր, որ քվեարկության ժամանակ մենք կգնանք երկու գերտերություն` Ռուսաստան և ԱՄՆ», – ասել է Բլատերը, հաղորդում է РБК–ն։

Ռուսաստանը հավակնում էր և արդյունքում ստացավ ֆուտբոլի 2018 թ.–ի աշխարհի առաջնությունն անցկացնելու իրավունքը, իսկ ԱՄՆ–ն ցանկանում էր առաջնությունն անցկացնել 2022 թ.–ին, սակայն քվեարկության ընթացքում զիջեց Քաթարին։

Պատասխանելով այն հարցին, թե, արդյո՞ք, ՖԻՖԱ–ի գործադիր կոմիտեի բոլոր անդամներն են որոշում ընդունել գործարքի մասին` Բլատերը նշել է, որ դա չի եղել գործադիր կոմիտեի որոշումը։ «Ամեն ինչ տեղի է ունեցել կուլիսների հետևում, որևէ խորհրդակցություն չի կազմակերպվել»։

Բլատերի խոսքով` ՈւԵՖԱ–ի նախագահ Միշել Պլատինին իր ձայնը տվել է Քաթարի օգտին` նման կերպով ձախողելով աշխարհի 2022 թ.–ի առաջնության հյուրընկալ երկրի ընտրության քվեարկությունը` հօգուտ ԱՄՆ–ի։ Այս ամենը հանգեցրել է Ամերիկայի դժգոհության։

Բլատերն ավելի վաղ հայտարարում էր, որ աշխարհի առաջնությունն անցկացնելու իրավունքը զիջած երկրները «միացել են ՖԻՖԱ–ի ձախողմանն ուղղված արշավին»։

Երբ հայտնի դարձավ, որ Բլատերի նկատմամբ քրեական գործ է հարուցվել, Ռուսաստանի սպորտի նախարար Վիտալի Մուտկոն հայտարարել է, որ աշխարհի 2018 թ.–ի առաջնության անցկացման վրա այդ ամենը ոչ մի կերպ չի անդրադառնա։

Մուտկոն նշել է, որ առաջնությունն անցկացնելու իրավունքը Ռուսաստանը ստացել է «օբյեկտիվորեն` ՖԻՖԱ–ի գործկոմի որոշման հիման վրա»։ Նա նաև ավելացրել է, որ «ՖԻՖԱ–ի նկատմամբ առաջադրվող մեղադրանքները որևէ կապ չունեն Ռուսաստանում նախատեսված աշխարհի առաջնության հետ»։

ՖԻՖԱ–ում կոռուպցիոն սկանդալը ծագել էր այս տարվա գարնան վերջին, երբ Ցյուրիխում ԱՄՆ–ի պահանջով ձերբակալվեցին ՖԻՖԱ–ի մի քանի պաշտոնյաներ, որոնց կասկածում էին կաշառակերության մեջ։ Աշխարհի 2018 և 2022 թթ.–ի առաջնությունների հյուրընկալ երկրների ընտրության ժամանակ հնարավոր կոռուպցիային վերաբերող քննությունը վարում են Հետախուզությունների դաշնային բյուրոն և ԱՄՆ–ի դատախազությունը։

Հոկտեմբերի սկզբին, ՖԻՖԱ–ի էթիկայի կոմիտեի որոշմամբ, Բլատերը 90 օրով հեռացվել է ֆուտբոլի ոլորտում իրականացվող աշխատանքից։ Նմանատիպ պատժամիջոցներ են կիրառվել նաև ՖԻՖԱ–ի գլխավոր քարտուղար Ժերոմ Վալկեի և ՈւԵՖԱ–ի ղեկավար Միշել Պլատինիի նկատմամբ։ –0–

 

 

Loading...
Թեմատիկ նյութեր
Բաժնի այլ նյութեր
19:41
22 Սեպտեմբերի 2017
Հայտնի են FIFA-ի տարվա լավագույն ֆուտբոլիստի կոչման երեք հավակնորդները
FIFA–ն հրապարակել է 2017 թվականի աշխարհի լավագույն ֆուտբոլիստի կոչման համար պայքարող ֆուտբոլիստների եռյակը:
17:45
22 Սեպտեմբերի 2017
Երազանքներն իրականանում են. Լևոն Արոնյանի հաղթանակի հույզերը կամ արմագեդոն` երջանիկ ավարտով (ՎԻԴԵՈ)
Համացանցում հայտնվել է Շախմատի աշխարհի գավաթի վճռորոշ կիսաեզրափակչի տեսանյութը, որտեղ արմագեդոն պարտիայում Լևոն Արոնյանը պարտության մատնեց Մաքսիմ  Վաշիե-Լագրավին։
14:13
22 Սեպտեմբերի 2017
Ռուսաստանի գավաթ. Մոսկվայի «Արարատ»–ը դուրս մնաց պայքարից
«ԲՄԱ-Խաբարովսկի» հետ երեկ կայացած խաղում Մոսկվայի «Արարատ» ֆուտբոլային ակումբը բաց թողեց երկու գնդակ և 1:2 հաշվով պարտություն կրեց։
23:04
21 Սեպտեմբերի 2017
 Լևոն Արոնյանը, տանելով փայլուն հաղթանակ, դուրս եկավ աշխարհի գավաթի եզրափակիչ
Լևոն Արոնյանն ու Վաշիե-Լագրավը խաղացին մինչև վերջ և հասան արմագեդոնին, որտեղ Լևոնը խաղում էր սպիտակներով և միայն հաղթանակի դեպքում կկարողանար անցնել եզրափակիչ։
11:03
21 Սեպտեմբերի 2017
Թե ինչպես Մխիթարյանը դարձավ «Մանչեսթեր Յունայթեդի» հերոս (ՎԻԴԵՈ)
«Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը վերջին տարվա ընթացքում դարձավ «Մանչեսթեր Յունայթեդի» հենարանը:
18:47
20 Սեպտեմբերի 2017
Լևոն Արոնյանն աշխարհի գավաթի եզրափակչում է. ամեն ինչ կորոշի թայ–բրեյքը
Թբիլիսիում ընթացող շախմատի աշխարհի գավաթի խաղարկության կիսաեզրափակչի երկրորդ պարտիայի Լևոն Արոնյան-Մաքսիմ Վաշյե-Լագրավ պարտիան ավարտվեց ոչ-ոքի։
20:37
19 Սեպտեմբերի 2017
Չեմպիոնների լիգայի 2019 թվականի եզրափակիչը, հնարավոր է, անցկացվի Բաքվում
Չեմպիոնների լիգայի 2018/19 խաղարկության եզրափակիչը կկայանա Բաքվի «Օլիմպիական» մարզադաշտում։
18:27
19 Սեպտեմբերի 2017
Աշխարհի Գավաթ. Արոնյանը ոչ-ոքի է խաղացել Վաշյե-Լագրավի հետ
Շախմատի աշխարհի գավաթի խաղարկության կիսաեզրափակչի առաջին պարտիայում Լևոն Արոնյանը ոչ-ոքի է խաղացել Մաքսիմ Վաշյե-Լագրավի հետ:
10:54
18 Սեպտեմբերի 2017
Հենրիխ Մխիթարյան. անչափ ուրախ եմ ԱՊԼ–ում խփած առաջին գոլիս համար (ՖՈՏՈ)
Հենրիխ Մխիթարյանը ներկայացրել է իր տպավորությունները Անգլիայի Պրեմիեր լիգայի 5-րդ տուրի շրջանակում կայացած «Մանչեսթեր Յունայթեդ» – «Էվերթոն» հանդիպումից հետո։

21:25
17 Սեպտեմբերի 2017
«Մանչեսթեր Յունայթեդը» ջախջախեց «Էվերտոնին». Մխիթարյանը գոլ խփեց (ՎԻԴԵՈ)
Անգլիայի Պրեմիեր լիգայի 5-րդ տուրի շրջանակում կիրակի «Մանչեսթեր Յունայթեդը» ջախջախեց «Էվերտոնին»:
11:50
17 Սեպտեմբերի 2017
Լևոն Արոնյանը Աշխարհի գավաթի կիսաեզրափակչում է
Հայ գրոսմայստեր Լևոն Արոնյանը Աշխարհի գավաթի կիսաեզրափակչում է։
19:29
15 Սեպտեմբերի 2017
Լևոն Արոնյանը հաղթեց Իվանչուկին Աշխարհի գավաթի խաղարկության 1/4-րդ եզրափակչում
Այսօր աշխարհի գավաթի խաղարկությունում 1/4-րդ եզրափակչի օրն է։