Կանադան ներկայացնող Էրիկ Բազինյանը նվաճել է WBA վարկածով չեմպիոնական գոտին`մենամարտը ավարտելով նոկաուտով (ՖՈՏՈ, ՎԻԴԵՈ)

ԵՐԵՎԱՆ, 15 հոկտեմբերի. /Նովոստի–Արմենիա/. Կանադան ներկայացնող հայ բռնցքամարտիկ Էրիկ Բազինյանը նոկաուտով հաղթանակ է տարել կանադացի Ֆրենսի Նտետուի նկատմամբ:

Ինչպես հաղորդում է armsport.am–ը, Մոնրեալում կայացած չեմպիոնական մենամարտում Բազինյանը մրցակցին նոկաուտի է ենթարկել 6-րդ ռաունդում: Այս հաղթանակի արդյունքում Բազինյանը նվաճել է WBA վարկածով Հյուսիսային Ամերիկայի չեմպիոնական գոտին:

Ավելի վաղ հայ բռնցքամարտիկը, ով կարիերայում դեռևս պարտություն չի կրել, չեմպիոն էր դարձել նաև WBO վարկածով:

Էրիկ Բազինյանը ծնվել է 1995 թվականին, Երևանում: Բռնցքամարտիկը Կանադա է տեղափոխվել 2011 թվականին: Բազինյանի ակտիվում 21 հաղթանակ կա, որոնցից 16-ը՝ նոկաուտով:–0–