485.25
-0.08
569.44
-2.72
8.18
-0.02
-2
Եղանակը Երևանում
Հայ
YouTube–ը հրապարակել է 2015 թ.–ի ամենադիտված տեսանյութերի լավագույն տասնյակը
14:30
12 Դեկտեմբերի 2015

ԵՐԵՎԱՆ, 12 դեկտեմբերի. /Նովոստի–Արմենիա/. YouTube տեսահոսթինգը հրապարակել է 2015 թ.–ի ամենահայտնի տեսանյութերի լավագույն տասնյակը, հաղորդում է Lenta.ru–ն։

Ամենահայտնի տեսանյութը հավաքել է 116 մլն դիտում։  Այնտեղ պարզապես ներկայացված են պարող երեխաներ։ Լավագույն տասնյակում է հայտնվել գովազդային հոլովակ և անգամ մեքենայում երգող Ջասթին Բիբերը։

YouTube–ի ներկայացուցիչները կազմել են տասնյակը` հիմնվելով ոչ միայն տեսահոլովակի դիտումների, այլ նաև like–երի և մեկնաբանությունների քանակի վրա։ Հաշվի է առնվել նաև այն, թե օգտատերերը քանի անգամ են սեղմել «Share» կոճակը։

Այս տարի YouTube–ը որոշել է իր լավագույն տասնյակում չներառել տեսահոլովակները, քանի որ վերջիններս ակնհայտորեն ավելի շատ դիտում կունենային, քան հրապարակված այլ տեսանյութերը։

YouTube–ի ղեկավարությունը որոշել է առանձին վարկանիշ կազմել` ներկայացնելով անցնող տարվա լավագույն երաժշտական տեսահոլովակները, որոնց շրջանում առաջատարը Wiz Khalifa ռեփերի կատարմամբ «See you again» ստեղծագործության տեսահոլովակն է։ Երգը դարձել է «Ֆորսաժ 7» բլոքբասթերի պաշտոնական սաունդթրեքը, այն նվիրված է ավտովթարի հետևանքով զոհված դերասան Փոլ Ուոքերին։ «See you again» ստեղծագործությունը YouTube–ում հավաքել է 1 մլրդ 228 մլն դիտում։ Երկրորդ տեղում է Maroon 5 խմբի «Sugar» ստեղծագործության տեսահոլովակը` 912 մլն դիտում։ Եռյակը եզրափակում է Major Lazer երաժշտական նախագծի «Lean On» ստեղծագործության տեսահոլովակը` 879 մլն դիտում։

Սովորական տեսանյութերի շրջանում առաջին տեղը զբաղեցրել է փոքրիկ աղջկա` Հևն Քինգի և նրա ընկերների պարը։ Երեխաները պարում են հիփ–հոփ կատարող Silento–ի «Watch Me» ստեղծագործության ներքո։ Տեսանյութը նկարահանել է Հևնի մայրը` պրոֆեսիոնալ պարուհի Թիաննա Քինգը։ Տեսանյութը դիտել է 116 մլն օգտատեր, իսկ տեսանյութի հատվածները հայտնվել են Silento–ի համանուն տեսահոլովակում։

Երկրորդ հորիզոնականում սմարթֆոնների և պլանշետների համար ռազմավարության գովազդն է (Clash of Clans)` հոլիվուդյան դերասան Լիամ Նիսոնի մասնակցությամբ։ Տեսանյութում Նիսոնը հանդես է գալիս «Պատանդը» ֆիլմում մարմնավորած  կերպարով և սպառնում է վրեժխնդիր լինել այդ մարդկանցից, ովքեր քանդել են իր ամրոցը։ Տեսանյութը հավաքել է 83 մլն դիտում։

Առաջատարների եռյակում է հայտնվել նաև հայտնի ինտերնետային կատակերգու Ռոման Անթվուդի զվարճալի տեսանյութը։ Անթվուդը որոշել է ուրախացնել երեխաներին և ոչինչ չկասկածող կնոջ տուն վերադառնալուց առաջ տան ողջ սենյակը լցրել պլաստիկե գնդակներով։ Տեսանյութը դիտել է 56 մլն օգտատեր, որոնցից շատերն իրենց մեկնաբանություններում գրել են, որ Անթվուդն աշխարհի լավագույն հայրն է։

Չորրորդ հորիզոնականում է Love Has No Labels սոցիալական գովազդը, որը Սուրբ Վալենտինի օրվա կապակցությամբ թողարկել է Ad Council հասարակական կազմակերպությունը։ Տեսանյութը հավաքել է 55 մլն դիտում։ Տեսանյութում ռենտգենային մեծ էկրանի հետևում համբուրվում են միևնույն սեռի մարդիկ` նման կերպով կոչ անելով հանդուրժողաբար վերաբերվել սեռական փոքրամասնություններին։

Հինգերորդ հորիզոնականում է Ջիմի Ֆելոնի The Tonight Show–ի հատվածը, որտեղ նա մրցում է կատակերգու դերասաններ Ուիլ Ֆերրելի և Քևին Հարթի հետ պարզելու համար, թե ով է ավելի լավ երգում ֆոնոգրամմայի ուղեկցությամբ։ Այս տեսանյութը դիտել է 54 մլն օգտատեր։

Վեցերորդ հորիզոնականում հեռուստատեսային ևս մի շոուի հատված է, որտեղ հաղորդավար Ջեյմս Քորդենը մեքենայում Ջասթին Բիբերի հետ միասին երգում է նրա հիթերը։ Այս տեսանյութը հավաքել է 43 մլն դիտում։ Իսկ Քորդենը հայտնի է նրանով, որ Սթիվի Ուանդերը շնորհավորել է նրա պապիկի ծննդյան օրը։

Յոթերորդ հորիզոնականում են The Slow Mo Guys տեսաբլոգերները, ովքեր որոշել են ջուր լցնել հսկայական գնդի մեջ։ Իսկ գնդում նաև մարդ է եղել։ Տեսաբլոգերներն այնուհետև պայթեցնում են գունդը։ Այս տեսանյութը դիտել է 40 մլն օգտատեր։

Ութերորդ հորիզոնականում է 26–ամյա Քելում Սքոթի փայլուն երաժշտական  կատարումը Britain's Got Talent տաղանդների շոուի ժամանակ։ Ժյուրին և հանդիսատեսը պարզապես հիացած են երգի կատարման որակով, իսկ տեսանյութը հավաքել է 38 մլն դիտում։

Իններորդ հորիզոնականում մի տեսանյութ է, որտեղ ամերիկացի ոստիկանը մեքենա վարելիս կատարում է Թեյլոր Սվիֆթի երգերից մեկը։ Տեսանյութը դիտել է 37 մլն օգտատեր։ Դովեր քաղաքի ոստիկանական բաժանմունքը, որտեղ շատ են երգչուհու երկրպագուները, կանոնավոր կերպով նման տեսանյութեր են հրապարակում YouTube–ում։ Նման տեսանյութերից մեկում ոստիկանն իր գործընկերոջ հետ կատարում է Լիլ Ջոնի հիփ–հոփ ոճի ստեղծագործություններից մեկը։

Ամենադիտված տեսանյութերի լավագույն տասնյակը եզրափակում է ԱՄՆ նախագահ Բարաք Օբաման, ով ընթերցում է իր մասին գրված բացասական թվիթերը Ջիմմի Քիմելի շոուի ժամանակ։ 34 մլն դիտում հավաքած տեսանյութում օգտատերերից մեկն առաջարկում է «Օբամային հուշել, թե ինչպես կարելի է դառնալ լավ նախագահ» և ավելացնում է «հա–հա» և «lol»։ Նախագահն, այս ամենին ի պատասխան, տրամաբանորեն նշում է, որ «հա–հա»–ի դեպքում պարտադիր չէ օգտագործել «lol»–ը։

YouTube-ի ղեկավարությունը հրապարակել է նաև խաղերի տեսահոլովակների լավագույն տասնյակը, որտեղ արդեն նշված Clash of Clans–ի գովազդից հետո երկրորդ հորիզոնականում է հայտնվել CorridorDigital–ի բլոգերների տեսանյութը, ովքեր իրական կյանքում նկարահանել են GTA V–ի ինքնատիպ նմանակը։ Տեսանյութը դիտել է 23 մլն օգտատեր։

Առաջատարների եռյակում է հայտնվել նաև Star Wars Battlefront խաղի թրեյլերը, որը դիտել է 22 մլն օգտատեր։

Loading...
Թեմատիկ նյութեր
Բաժնի այլ նյութեր
00:05
08 Դեկտեմբերի 2017
«ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
«Նովոստի–Արմենիա» գործակալությունն այսօր դառնում է 12 տարեկան, իսկ գործակալության կայքը վերագործարկումից հետո արդեն երկու տարեկան է։
18:26
07 Դեկտեմբերի 2017
Համացանցում Հայաստանի գլխապտույտ տեսարանների տեսահոլովակ է հայտնվել (ՎԻԴԵՈ)
Համացանցում գունեղ ու դինամիկ հոլովակ է հրապարակվել, որը բացահայտում է Հայաստանն իր ողջ գեղեցկությամբ:  
18:17
07 Դեկտեմբերի 2017
ՅՈՒՆԻՍԵՖ–ը նշել է մանուկներին սպառնացող հիմնական վտանգը
Առավել մեծ վտանգ է սպառնում Հարավային Ասիայի երեխաներին։
16:30
07 Դեկտեմբերի 2017
Forbes–ը ներկայացրել է 2017թ. ամենաբարձր վարձատրվող երաժիշտների տասնյակը
Դիդդի կեղծանվամբ հանդես եկող ամերիկացի ռեփեր Շոն Քոմբսը ճանաչվել է 2017 թվականի ամենաբարձր վարձատրվող երաժիշտ:
12:17
07 Դեկտեմբերի 2017
Սուրենյանը հերքել է ձմռանը բարձր ջերմաստիճանի և երկրաշարժի հավանականության կապը
Հիշեցնենք, որ Հայաստանի պատմության ընթացքում գրանցված ամենասարսափելի և ավերիչ երկրաշարժից անցել է 29 տարի։
10:15
07 Դեկտեմբերի 2017
Վերա Բրեժնևան փայլել է հայ դիզայների զգեստով (ՖՈՏՈ)
Վերա Բրեժնևան ներկայացրել է հայ դիզայներ Հայկ Ավանեսյանի զգեստը։
20:35
06 Դեկտեմբերի 2017
Հայ խոհարարը ծիծաղելի է անվանել տոլմայի վերաբերյալ ՅՈՒՆԵՍԿՕ–ի որոշումը. «Նովոստի–Արմենիա»–ի էքսկլյուզիվ
Սեդրակ Մամուլյանը ծիծաղելի է համարում Ադրբեջանի կողմից տոլմայի պատրաստման բաղադրատոմսը ՅՈՒՆԵՍԿՕ–ի ոչ նյութական մշակութային ժառանգության ցուցակում ընգրկելու վերաբերյալ որոշումը։  
14:56
06 Դեկտեմբերի 2017
Հայկական քոչարին` ՅՈԻՆԵՍԿՕ–ի ոչ նյութական մշակութային ժառանգության ցանկում (ՎԻԴԵՈ)
Հայկական քոչարին ընդգրկել է ՅՈՒՆԵՍԿՕ–ի ոչ նյութական մշակութային ժառանգության ցանկում:
13:10
06 Դեկտեմբերի 2017
Ադրբեջանը վերջնականապես յուրացրեց հայկական տոլման. այն ընդգրկվեց ՅՈՒՆԵՍԿՕ–ի ցանկում
ՅՈՒՆԵՍԿՕ-ի ոչ նյութական մշակութային ժառանգության ցանկում ընդգրկեց Ադրբեջանի կողմից ներկայացված տոլմա ճաշատեսակի պատրաստման ավանդույթը։
12:22
06 Դեկտեմբերի 2017
Ստեփանծմինդա-Լարս ավտոճանապարհը փակ է ծանրաքաշ մեքենաների համար
Ձյան առատ տեղումների պատճառով ավտոճանապարհը ծանրաքաշ մեքենաների համար առայժմ փակ է։
13:35
04 Դեկտեմբերի 2017
Հայաստանը չի հաստատում Մոսկվա–Երևան չվերթերի չեղարկումը
Հայկական ավիացիոն կառույցները «Նովոստի–Արմենիա» գործակալությանը չեն հաստատում Մոսկվա–Երևան որոշ չվերթերի չեղարկման լուրերը։
11:31
04 Դեկտեմբերի 2017
Հրապարակվել է այս գիշեր երկնքում հայտնված գերլուսնի տեսագրությունը (ՎԻԴԵՈ)
Այս գիշեր երկրագնդի բնակիչները կարող էին դառնալ գերլուսնի ականատեսը։